Tiri bolsam, qazaqqa qyzmet etpeı qoımaımyn!

Álıhan Bókeıhan

"Shaı qoıyp jatqanda býyndyryp tastaǵan". Aqtóbede burynǵy áıelin óltirgen er adam 11 jylǵa sottaldy

01 maýsym 2024 173
Aqtóbede oblysynda burynǵy áıelin qylqyndyryp óltirgen er adam 11 jylǵa bas bostandyǵynan aıyryldy. Úsh balanyń anasy er adamnyń qolynan qaza tapty. Qaıǵyly jaǵdaı 1 aqpanda bolǵan, Alash.KZ ulttyq portaly.

Aıyptalýshy sot ústinde  burynǵy áıelin janjal kezinde ajal qushtyrǵanyn, ashý býǵanda qylqyndyryp qoıǵanyn aıtqan.

«Biraq bul jerde ádeıi josparlanǵan áreketteri aıtqanymen qısynǵa kelmeıdi. Ony sol ýaqytta taksı kútip turǵan. Tunshyqtyrý kezinde aýyz jáne muryndy japqan. Medısınalyq bilimi bar qylmysker óltirý úshin qalaı tunshyqtyrýdy bilgen», - dep jazady Dına Tańsári.

Aqtóbe oblystyq qylmystyq ister jónindegi mamandandyrylǵan aýdanaralyq sotynda «Adam óltirý» babymen tergelgen iske úkim shyqty. Aıyptalýshy H. Qylmystyq kodekstiń 99-baby 1-bóligimen kináli dep tanylyp, 11 jylǵa sottaldy.

Jábirlenýshi tarap sot úkimimen kelispeıtinin jetkizip, sottalýshynyń ákelik quqynan aıyrýǵa aryz túsiretinin aıtty. Marqum 26 jasta bolǵan. Aıbanýdyń artynda 6,5,3 jasar balalary qaldy. 

Eske sala keetıik, qaıǵyly oqıǵa Temir aýdany Shubarshı aýylynda bolǵan. Biz buǵan deıin de bul oqıǵa jaıly jazǵanbyz. Erli-zaıyptylar 2022 jyly ajyrasqan.  Alaıda eki jyldan keıin ol otbasyna qaıta oralyp, áıeli ony qabyldaǵan. 

Sol túni balalar kórshi bólmede uıyqtap jatqan. Aıbaný as úıde kúıeýine sháı qoıyp, artyna buryla bergende er adam shabýyldap, tunshyqtyryp óltirgen.

"Áıeldiń týystarynyń aıtýynsha er adam Aqtóbeden taksımen kelgen. Al taksıstke aýyldyń shetinde kútip turýyn aıtqan. Bul muqıat josparlanǵan sýyq qandy kisi óltirý. Er adam bárin aldyn-ala josparlady. Al onyń motıvi ol bóliskisi kelmegen jyljymaıtyn múlik máselesi. Aıbaný qalada emes, aýylda turdy. Oǵan materıaldyq jaǵynan qıyn boldy. Eks-joldasy ekeýine ortaq páter boldy", - dedi Dına hanym.

"Adam óltirý faktisi boıynsha qylmystyq tergeý aıaqtalyp, prosesýaldyq sheshim qabyldaý úshin sotqa joldandy", - dep jaýap berdi Aqtóbe oblysynyń İİD.

Bul maqala týraly ne oılaısyz?