Tiri bolsam, qazaqqa qyzmet etpeı qoımaımyn!

Álıhan Bókeıhan

"Shahanovtyń ıntellektýaldyq bilimi joq" - Israıl Saparbaı

21 maýsym 2024 1055
Aqyn Israıl Saparbaı  "Soıqan suhbat" youtube-arnasyna bergen suhbatynda jazýshy Muhtar Shahanovpen qarym-qatynasy týraly aıtty, dep habarlaıdy Alash.kz.

"Ekeýmiz qurdaspyz. Ol kezinde Shámshimen, Tólegen Aıbergenov, Sabyrhan Asanovpen birge júrdi. Oqýǵa túsken kezimde ol men oqıtyn Shymkenttegi pedagogıkalyq ınstıtýtqa syrttaı oqýǵa qujat tapsyrdy. Baryp oqyǵan joq. Nege ekenin bilmeımin. Al men baryp oqydym. Ekeýi eki bólek nárse. Ol erte eseıdi. Biraq aqyn bolý úshin Alladan talant berilý kerek. Pedagogıkalyq ınstıtýttyń ózin 4-5 jyl oqyp bitirgen adammyn. Al ol syrttaı bitirdi. Bir kúni rektormen jınalysta Muhtar Shahanovtyń 25 pánnen qaryzy bar ekenin bildim. Oqýǵa tapsyrǵanymen eshqandaı sesıaǵa kelmegen. "Muhtar Shahanov birde bir sesıaǵa kelmedi, oqýdan shyǵaryp jibereıik" dedi rektor.  Sol kezde muǵalimder qorǵap, "erteńi bar azamat, bizge maqtanysh bolady" dep alyp qaldy. Ol kezde men mán bergen joqpyn. Bitirmese de dıplomdy oǵan sol ótirik berýi múmkin. Al men bilim alyp, oqydym", - dedi ol.

Sonymen qatar ol Shahanovtyń ıntellektýaldyq bilimi joq ekenin aıtty dep jazdy  inbusiness.kz saıty.

"Shahanovtyń ıntellektýaldyq bilimi joq. 1000 jerden talant bolǵanmenen, bilim kerek. Ol maǵan bilim jaǵynan teń kele almaıdy. Talaı ret kózim jetti. Men otyrǵan jerge Shahanov otyra almaıdy. Sebebi odan góri meniń bilimim myqty. Biraq men oǵan "senen bilimim myqty" dep aıta almaımyn, uıat bolady. Týa bitti aqyn bolǵanymen, ıntellektýaldyq bilim kerek aqynǵa", - dedi ol.

Bul maqala týraly ne oılaısyz?