Qazaqstandyq shahmatshy Bıbisara Asaýbaeva Gınnestiń rekordtar kitabyna endi, dep habarlady QR Mádenıet jáne sport mınıstrliginiń baspasóz qyzmeti.
«Qazaqstandyq shahmatshy Bıbisara Asaýbaeva Gınnestiń rekordtar kitabyna endi. Eń jas álem chempıony atanǵan Bıbisara 17 jasynda osy uıymnyń arnaıy sertıfıkatyna ıe boldy» delingen habarlamada.
Uıymnyń resmı qujatynda «áıelder arasynda blıs boıynsha eń jas álem chempıony qazaqstandyq Bıbisara Asaýbaeva 2004 jyly 26 aqpanda dúnıege kelgen» jáne «2021 jyly Varshavada (Polsha, 2021 jyl 30 jeltoqsan) ótken blıs boıynsha álem chempıonatynda 17 jas 307 kúnde jeńiske jetti» delingen.
Odan keıin Assaýbaeva «blıs» boıynsha birinshi oryn alyp, áıelder arasynda álemdik shahmat tarıhyndaǵy eń jas shahmatshy atandy.
Sondaı-aq, osy chempıonatta Bıbisara jyldam shahmattan (Rapıd) 2 orynǵa ıe boldy. Sheshýshi oıyndarda Bıbisara tájirıbeli grýzın shahmatshysy, grosmeıster Nana Dzagnıdzeni, jerlesi Ásel Serikbaıdy jeńip, halyqaralyq chempıonattyń jeńimpazy grosmeıster Aleksandra Kostenúkpen teń tústi.
«Qazaqstannyń shahmat tarıhyndaǵy eresekter arasyndaǵy tuńǵysh álem chempıony, álem jeńimpazy Bıbisara Asaýbaeva 2004 jyly 26 aqpanda Taraz qalasynda dúnıege kelgen. Áıelder arasyndaǵy grosmeıster (2019). Erler arasyndaǵy halyqaralyq sheber (2020). Blıs boıynsha álem chempıony (2021)» dep habarlady Mádenıet mınıstrligi.
Derekkóz
