Tiri bolsam, qazaqqa qyzmet etpeı qoımaımyn!

Álıhan Bókeıhan

«Sen menen qutylǵyń keledi»: Núkenovanyń óler aldynda jazǵan jeke jazbasy paıda boldy

04 sáýir 2024 957

Qýandyq Bıshimbaevtyń kezekti sot otyrysynda Saltanat Núkenovanyń uıaly telefonynda jazylǵan jeke jazbalar oqyldy, dep habarlaıdy Alash.kz.

Jazbada Saltanat Núkenova Bıshimbaevtyń qanshalyqty psıhologıalyq qysym kórsetilgeni baıandalǵan.

«Men seniń oıynshyǵyń emespin, seniń degenińmen 24/7 ýaqyt júrý meniń nerv júıelerimdi qurtyp jatyr. Men seni seniń osyndaı qysymyńnan keıin jumystan kúlip qarsala almaımyn dep qorqamyn. Sharshańqy kórinip qalamyn. Men seni qatty jaqsy kóremin, biz ekeýmiz bir-birimizdiń qorǵanymyz bolýymyz kerek. Men úshin seniń baqytyń men tynyshtyǵyńnan asqan eshteńe mańyzdy emes»,-dep jazǵan óz jeke jazbasynda Núkenova.

Bıshimbaev jazbalarǵa qatysty óz jaýabynda, Núkenovanyń úsh kún saıyn úıden ketip qalatynyn, keıin úsh kúnnen keıin qaıta keletinin aıtty.

«Ol kúnde ketemin dep aıqaı shyǵaryp, keıin dym bolmaǵandaı qaıta keletin. Árkez túnde urys shyǵaryp, balalardy qorqytatyn. Balalar barlyǵyn kórip, estıtin edi. Saltanattyń aıtqan ár boqaýyz sózin balalar árkez estıtin. Men osy úshin odan psıholog, psıhoterapevtke barýdy ótindim»,-dedi ol.

«Saltanat meni únemi qyzǵanatyn. Qaıda barsam da, úıge kesh kelsem de barlyǵyn tekserip, urys shyǵaratyn. Meniń oǵan qoıǵan eki talabym boldy. Meni tańerteń uıqydan turyp,jumysqa shyǵaryp salý jáne keshki as daıyndap qoıý boldy. Ol bul talapqa da kóngisi kelmeı, urys shyǵaratyn»,-dedi Bıshimbaev.

Saltanat Núkenova óziniń jeke jazbasynda Bıshimbaevty terrorǵa balap, «sen menen qutylǵyń keledi» degen qorqynyshty sózderdi jazǵan.

Ár jazylǵan jazbasynda ol Bıshimbaevtan ketkisi keletinin, onyń qysymynan sharshaǵanyn, jáne odan ári mazalamaı ózin bosatýyn ótingen.

 

Bul maqala týraly ne oılaısyz?