Tiri bolsam, qazaqqa qyzmet etpeı qoımaımyn!

Álıhan Bókeıhan

«Saq stılindegi» jańa on myń teńge aınalymǵa shyǵady

30 mamyr 2024 218

Qazaqstan Ulttyq banki 28 maýsymda 2024 jylǵy úlgidegi jańa dızaınmen nomınaly 10000 teńgelik banknotany aınalymǵa shyǵarady. Bul týraly Alash.kz ulttyq portaly Kursiv.media saıtyna silteme jasap habarlaıdy.

«Saq stıli» jańa serıasy boıynsha ekinshi banknota daıyndalǵan. Onda qazaqy oıý-órnektiń bastaý negizi sanalatyn jáne kóshpendilerdiń biregeı mádenıetinen bastap búgingi el murasyn beıneleıtin «Saq stıli» elementteri beınenelgen.

Banknotalar jappaı qoldanysqa 2024 jylǵy qyrkúıekte berile bastaıdy.

Aqsha belgisiniń dızaıny men formasy

Banknotalardyń túsi – kúlgin-kók.

Banknotanyń bet jaǵynda:

– kókte qalyqtap ushqan quspen «Ómir aǵashynyń» butaǵy (Esik qorǵany, b. d. d. 5-4 ǵǵ., Altyn adam bas kıiminiń bir bóligi, tabıǵat pen nanym baılanysynyń qasıetti maǵynasy);

– DNQ spıralin jáne adamnyń tabıǵatpen baılanysyn bildiretin oıý-órnekpen stıldendirilgen sheksizdik sımvoly;

– artefakt – taý shyńyndaǵy barys beıneli áshekeı (Esik qorǵany, b.z.d. 5-4 ǵǵ., Altyn adamnyń bas kıimindegi detal, qar barysy – batyldyqtyń, kúsh pen sulýlyqtyń sımvoly).

Artqy jaǵynda oıý-órnekpen bezendirilgen qalqan men Qazaqstanda meken etetin barys beınelengen. Negizgi sýrettiń artynda dóńgelek pishindes qazaqtyń oıý-órnegi ornalasqan. Bul beıne myna ıdeıalardy bildiredi:

«Qalqan» – qundylyqtardy qorǵaý;

ejelgi sımvol – álemniń tórt qubylasy;

ortasyndaǵy kún belgisi – shyǵarmashylyq qýat pen ómirdiń sımvoly.

Sondaı-aq, banknotanyń syrt jaǵynda artefakt, ıaǵnı aýzynda grıfondary bar barystyń basy beınelengen (Berel qorǵandary «Patshalar Alqaby», b.d. d. 8-7 ǵǵ., SHQO, bezendirý elementi, maqsattylyq pen kúshtiń sımvoly). Banknotanyń ortasynda fon retinde qazaq oıý-órnegindegi «sheksizdik» kontýry bar. Onda İle Alataýy taýlarynyń landshafty kórinis tapqan.

Bul maqala týraly ne oılaısyz?