Qańtarǵa qatysty is áli aıaǵyna shyqqan joq. Endigi kezek alyptarǵa qaraı aýysýda. Bas prokýratýranyń sotqa deıingi tergeý qyzmeti ulttyq qaýipsizdik komıtetiniń burynǵy birinshi orynbasary Samat Ábishke qatysty qylmystyq isti tergeýdi aıaqtady.
Tergeý qylmystyq kodekstiń 362-babynyń 4-bóligi (aýyr zardaptarǵa ákep soqtyrǵan, bılikti nemese laýazymdyq ókilettikterdi asyra paıdalaný) boıynsha júrgizilgen. İs sotqa jiberildi. Esterińizde bolsa, Samat Ábish Qazaqstannan eshqaıda shyqpaý týraly qolhatpen júr. Qylmystyq iste memlekettik qupıalardy quraıtyn málimetter bolǵandyqtan, sotqa deıingi tergep-tekserýdiń derekteri jarıaǵa jatpaıtyny habarlanady.
Bas prokýrordyń orynbasary Jandos Ómirálıev Samat Ábishti bultartpaý sharasynyń áli ózgermegenin aıtqan bolatyn.
