Tiri bolsam, qazaqqa qyzmet etpeı qoımaımyn!

Álıhan Bókeıhan

«Ronaldýdyń sekirýi»: merekede astanalyq balalar fýtbol chellendjine qatysty

03 maýsym 2024 178

Buryn "Dop oınaǵan tozar" deýshi edi, qazir dop oınaǵan bala ozatyn boldy. Óıtkeni fýtbol búgingi kúnniń eń mańyzdy sport túrine jatady. 

«Jeńis» fýtbol klýby Astana qalasynyń ákimdigimen jáne tıtýldyq demeýshi «Freedom Bank» kompanıasymen birlesip, ortalyq saıabaqta qala turǵyndary men qonaqtar úshin fýtbol chellendjderiniń birneshe túrin uıymdastyrdy.

Aıtalyq, jekpe-jek oıyn, «Ronaldýdyń sekirýi», «Qaqpaǵa soǵý», sonymen qatar drıblıngpen estafeta sıaqty oıyn túrlerin kórsetti. Mundaı oıyndar aladopqa qumar balalar úshin taptyrmaıtyn oıyn bolǵanyn aıta keteıik.

Bul oıyndarǵa júzdegen ul-qyzdar qatysyp, olardyń eń úzdikteri klýb atynan arnaıy syılyqtarmen marapattaldy, estelik zattarǵa ıe boldy. Osynyń ózi balaǵa qanat bitirip, kóńilin kóteretin sporttyq shara.



Maýsym aıynyń basqa demalys kúnderi astanalyq balalar úshin atalǵan úshtik osyndaı merekelerdi bas shahardyń ár jerinde uıymdastyrýdy kózdep otyr. Balalardyń jazǵy demalysyn oıdaǵydaı ótkizý úshin mundaı shara aýadaı qajet ekeni barshaǵa aıan.  

Bul maqala týraly ne oılaısyz?