Tiri bolsam, qazaqqa qyzmet etpeı qoımaımyn!

Álıhan Bókeıhan

Reseıdiń Belarýs elindegi ıadrolyq qarýdy jasyrǵan jeri áshkerelenip qaldy

11 mamyr 2024 613

NYT spýtnıktik sýretterge nazar sala otyryp, Reseıdiń ıadrolyq qarýy Belarýs aýmaǵynyń qaı bóliginde ornalasqanyn anyqtady, dep habarlaıdy Alash.KZ ulttyq portaly. 

Basylymnyń habarlaýynsha, ıadrolyq qarýy bar nysan Ýkraına shekarasynan soltústikke qaraı 32 shaqyrym jerde, ıaǵnı Osıpovıchı qalasynyń janyndaǵy áskerı qoımada ornalasqan.

Onda (qoımada) jańadan salynǵan keıbir qurylymdarda Reseı bazalaryndaǵy ıadrolyq qoımalarǵa ǵana tán erekshelikter bar, - deıdi gazet.

Atap aıtqanda, erekshe qorǵalatyn aımaqta búkil bazaǵa tán qorǵanys-qaýipsizdik perımetrleri bar. Munymen qosa alǵanda, nysan qosymsha úsh qorshaýmen qorshalǵan. Kameradan keńes dáýirinen qalǵan jerasty býnkerimen japsarlas salynǵan jabyq tıeý alańy da baıqalǵan.

Esterińizde bolsa, 2023 jyldyń shildesinde CNN AQSH Qorǵanys mınıstrliginiń barlaý basqarmasy prezıdent Vladımır Pýtınniń ıadolyq qarýdy tasymaldaýyna qatysty túsinik berdi. Olar Reseıden Belarýssıaǵa taktıkalyq ıadrolyq qarýdyń alǵashqy partıasyn jetkizgenin aıtqan Pýtınniń sózine kúdik keltirmeı, "shúbásiz sený qajet" ekenin habarlady.

Oraıy kelgende aıta keteıik, Pýtın alǵash ret óziniń Belarýssıa jerine ıadrolyq qarýdy ornalastyrý týraly oıyn 2023 jyldyń naýryzynda málimdegen bolatyn. 

Bul maqala týraly ne oılaısyz?