Tiri bolsam, qazaqqa qyzmet etpeı qoımaımyn!

Álıhan Bókeıhan

Reseı Zelenskııge izdeý jarıalady

07 mamyr 2024 527

Reseı İİM qylmystyq bap boıynsha Ýkraına prezıdenti Vladımır Zelenskııge izdeý ajrıalady. Aqparat vedomstvonyń málimetter bazasynan taraǵan.

Zelenskııdiń kartasynda: týǵan kúni 1978 jyly 25 qańtar ekeni, týǵan jeri Krıvoı Rog, Dnepropetrovsk oblysy Ýkraına delingen. Ulty ýkraın dep jazylǵan.

– İzdeýdiń negizi: qylmystyq kodekstiń baby boıynsha izdeýde, – delingen Reseı İİM málimetter bazasynda.

Ýkraına prezıdenti qandaı bap boıynsha aıyptalatyny naqtylanbaǵan.

Soǵys bastalǵaly 800 kún ótti

Reseı Ýkraınaǵa qarsy basqynshylyq soǵysty bastaǵaly 800 kún ótti. Ýkraına prezıdenti Vladımır Zelenskıı Ýkraına soǵystyń jańa kezeńi aldynda turǵanyn aıtady.Onyń sózinshe, Reseı jaqyn arada shabýyldy údetkeli otyr.

Zelenskıı barlyq ýkraınalyqtar, sondaı-aq eldiń odaqtastary Reseıdiń bul josparyn buzý úshin qoldan kelgenniń bárin jasaýy kerek dep atap ótti.

Reseı shabýyly

Qańtar aıynda Financial Times Reseı áskeri jazda Ýkraınada keń aýqymdy shabýyl jasaýdy josparlap otyrǵanyn habarlaǵan edi. Basylymnyń derekkózderi Reseı 2022 jyly qosylǵan Ýkraınanyń tórt aımaǵynyń qalǵan aýmaqtaryn basyp alýǵa tyrysady dep jazǵan.

Zelenskıı CBS News-ke bergen suhbatynda Reseıdiń jańa iri shabýyly mamyr aıynyń sońynda nemese maýsymda bastalýy múmkin ekenin aıtty.

Bul maqala týraly ne oılaısyz?