Tiri bolsam, qazaqqa qyzmet etpeı qoımaımyn!

Álıhan Bókeıhan

Reseı bıyldan bastap Qazaqstanda jylý elektr stansıasyn sala bastaıdy

17 sáýir 2024 283

Reseı jáne Qazaqstan energetıka mınıstrlikteri Semeı, Kókshetaý jáne Óskemende JEO salý týraly úkimetaralyq kelisimge qol qoıdy, dep habarlaıdy Alash.KZ ulttyq portaly kz.kursiv-ke ulttyq portaly silteme kórsete otyryp. 

Birinshi jylý elektr stansıasynyń qurylysy bıyl bastalatynyn Qazaqstan tarapy habarlady.

JEO-ny "Samuryq-Energo" memlekettik kompanıasy men reseılik INTER RAO-Eksport salatyny naqtylanady". Olar ýákiletti uıymdar retinde anyqtaldy.

"Úsh oblys ortalyǵynda, ıaǵnı Semeı, Kókshetaý jáne Óskemendede úsh jańa JEO-ny salý arqyly energetıkalyq kómirdiń mol qoryn ıgerýge jol ashylady, olardyń odan ári damýyna qýatty serpin berýge múmkindik bolady", - dep atap ótti Energetıka mınıstri Almasadam Sátqalıev.

Naqtylaı keteıik, "Samuryq-Energo" kompanıasy 2024 jyly birinshi JEO qurylysyn bastaý úshin arnaıy jol kartasyn jasady. Esterińizde bolsa, ótken jyly birinshi vıse-premer bolǵan Roman Sklár qurylystyń Kókshetaýdan bastalatynyn habarlaǵan edi. 

Bul maqala týraly ne oılaısyz?