Tiri bolsam, qazaqqa qyzmet etpeı qoımaımyn!

Álıhan Bókeıhan

Reseı Azattyq radıosy Qazaq, Ózbek jáne Túrikmen redaksıalarynyń orys tilindegi saıttaryn buǵattady

28 naýryz 2022 155
[ad_1]



Reseı Azattyq radıosynyń Qazaq, Ózbek, Túrikmen saıttarynyń orys tilindegi nusqalaryn buǵattady.

Reseıdiń táýelsiz "Medıazona" saıty onlaın-resýrstardyń buǵattalǵanyn baqylaıtyn "Roskomsoboda" uıymyna silteı otyryp, Azat Eýropa/Azattyq radıosynyń Qazaq redaksıasy (rus.azattyq.org), Ózbek redaksıasy (rus.ozodlik.org) jáne Túrikmen redaksıasy (rus.azathabar.com) saıttarynyń orys tilindegi nusqalaryn Reseı Bas prokýratýrasynyń 26 naýryzdaǵy talaby boıynsha buǵattaǵanyn habarlady.

Azat Eýropa/ Azattyq radıosy medıakorporasıasynyń prezıdenti Djeımı Flaı bul áreketti aıyptady.

"Azat Eýropa/Azattyq radıosy Ortalyq Azıa redaksıalarynyń orys tilindegi saıttary Ortalyq Azıanyń orys tilinde sóıleıtin halqy men Reseıde jumys isteıtin nemese sonda turatyn azamattaryna jańalyqtar men aqparattar usynýda mańyzdy ról atqarady. Endi olar Kremldiń senzýrasyna baılanysty Ýkraınadaǵy soǵys jaıly táýelsiz aqparat kózinen aıyrylyp otyr. Biz aqparat kontentimizdi senzýraǵa salmaımyz, Azattyq sóıleıtin álemniń 27 tilinde shyndyqty aıta beremiz", - dedi Djeımı Flaı.

17 naýryzda Roskomnadzor Reseıdegi "Medıazona. Sentralnaıa Azıa" saıtyn shektegen edi, odan buryn Ýkraınadaǵy soǵysty kórsetkeni úshin Reseı "Medıazonasyn" buǵattap tastaǵan.

Ýkraınaǵa basqynshylyq bastaǵaly Reseı táýelsiz BAQ-tardy buǵattaýǵa kirisken. 4 naýryzda Azattyqtyń Reseıdegi Orys redaksıasynyń saıty ashylmaı qalǵan, oǵan deıin Roskomnadzordan "saıttyń buǵattalatyny" jóninde birneshe habar alǵan.

Jýrnalıserge qysym kóbeıgen soń jáne Reseı prezıdenti Vladımır Pýtın "Reseı áskeri týraly jalǵan aqparat taratqany úshin 15 jylǵa deıin bas bostandyǵynan aıyrý týraly" zańǵa qol qoıǵannan keıin Azattyq radıosy Reseıdegi jumysyn toqtatyp, syrttan habar taratýǵa kóshken.

Naýryzdyń basynda "Reseı áskeriniń Ýkraınaǵa basyp kirgeni týraly" aqparatty alyp tastaý jóninde Roskomnadzor talabyna moıynsunbaýyna baılanysty Azat Eýropa/Azattyq radıosynyń orys tilindegi toǵyz jobasynyń saıty buǵattalǵan edi. Onyń ishinde "Krym.Realıı" (Azattyqtyń Qyrym redaksıasy) men "Nastoıashee Vremá" da bar.

Ol kezde Azat Eýropa/Azattyq radıosy medıakorporasıasynyń prezıdenti Djeımı Flaı Roskomnadzor talaptaryn oryndaı almaıtynyn málimdep, "Kremldiń redaksıasy sheshimine aralasqanyna kóne almaımyz" degen bolatyn.

Ýkraınada soǵys bastalǵaly "Medýza", Bı-bı-sı, "Amerıka daýysy", Deutsche Welle sekildi iri medıauıymdardyń saıttary Reseıde buǵattalǵan.



[ad_2]

Derekkóz
Bul maqala týraly ne oılaısyz?