Tiri bolsam, qazaqqa qyzmet etpeı qoımaımyn!

Álıhan Bókeıhan

"Qur aıyptaýǵa, emosıaǵa boı bermeımiz: ýaqyt beldeýi qaıta ózgere me?

21 maýsym 2024 322

Saýda jáne ıntegrasıa mınıstri Arman Shaqqalıev Qazaqstanda ýaqyt beldeýin qaıta ózgertý máselesi petısıa aıasynda qaralatynyn aıtty, - dep habarlaıdy Alash.kz Massaget.kz caıtyna siltep.

Bıyl 1 naýryzǵa qaraǵan túni Qazaqstan biryńǵaı UTC+5 ýaqyt beldeýine ótken edi. Parlamenttiń birlesken otyrysynyń aldynda jýrnalıs vedomstvo basshysyna "Ýaqyt beldeýin aýystyrýǵa qarsy petısıany qarastyryp jatyrsyzdar ma?" dep saýal joldady.

Arman Shaqqalıev petısıany qaraý tártibin túsindirdi.

"Petısıany zańda bekitilgen algorıtm boıynsha qaraımyz. Búgin jumys tobynyń otyrysy ótip jatyr. Bul – birinshi kezeń, ıaǵnı uıymdastyrý jumysy júrip jatyr. Ótinish berýshi usynǵan barlyq adamdy ıaǵnı (jumys tobyna) kim kirýi kerek, oǵan engizdik. Qazir bul topta jumys isteý prınsıpin aıtyp jatyrmyz: ashyqtyq, argýmenttiń bolýy, syılastystyq. Jumys kestesin bekitip, kún tártibin bekitip jatyrmyz. Shahmat oıynyndaǵy sıaqty árbir júrisi dálelge súıinip jasalady, qur aıyptaýǵa, emosıaǵa boı bermeımiz. Bul – petısıany qarastyrýdyń ekinshi kezeńi. Úshinshi kezeńde, komısıa qorytyndyny shyǵaryp, óz sheshimin aıtady. Tórtinshi kezeń, petısıa 40 kún qaralatynyn bilesizder. Sondyqtan zańda bekitilgen merzimge sáıkes barlyǵy iske asyrylady", - dedi mınıstr.

Bul maqala týraly ne oılaısyz?