Tiri bolsam, qazaqqa qyzmet etpeı qoımaımyn!

Álıhan Bókeıhan

Qumar oıyn oınaǵan memlekettik qyzmetkerler, ony jarnamalaǵan blogerler jaýapqa tartylady

05 maýsym 2024 321

Májilis lýdomanıamen kúresýge baǵyttalǵan Zań jobasyn ekinshi oqylymda maquldady. Májilis depýtaty, «AMANAT» fraksıasynyń jetekshisi Elnur Beısenbaev qumar oıyndarǵa qatysty zań jobasyn daıyndaýdyń qıynǵa soqqanyn, eki jyl talqyǵa túskenin málimdedi, dep habarlaıdy Alash.KZ ulttyq portaly. 

Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine oıyn bıznesi, lotereıalar jáne lotereıa qyzmeti máseleleri boıynsha ózgerister men tolyqtyrýlar engizý týraly» Zań jobasy ekinshi oqylymda qaralyp, májilis lýdomanıamen kúresýge baǵyttalǵan Zań jobasyn maquldady. 

Zań jobasynyń normalaryn Májilis depýtaty Elnur Beısenbaev baıandady.Ol óz sózinde zań jobasynda kózdelgen normalardy, lýdomanıanyń qoǵamǵa tıgizer kesirin,qumar oıyndardy jarnamalaýǵa tyıym salý jaıyn, Memlekettik qyzmetshilerge, áskerı qyzmetshilerge, arnaýly memlekettik organdardyń qyzmetkerlerine jáne búdjettik uıymdardyń basshylaryna bás tigýge tyıym salynatynyn basa aıtty. 

Zań jobasynda kózdelgen normalar:

1. Qumar oıyndar men bás tigýge qatysty shekteýler:
- Qumar oıyndarǵa qatysýǵa tyıym salynǵan adamdardyń tizimi jasaldy;
- Qumar oıyndarǵa qatysýǵa tyıym salýdyń eń uzaq merzimi 1 jyldan 10 jylǵa deıin ulǵaıtyldy;
- Boryshkerlerdiń biryńǵaı tizilimine engizilgen adamdar úshin qumar oıyndarǵa qatysýdy shekteıtin erejeler engizildi (shamamen 3,5 mıllıon adam);
- Memlekettik qyzmetshilerge, áskerı qyzmetshilerge, arnaýly memlekettik organdardyń qyzmetkerlerine jáne búdjettik uıymdardyń basshylaryna (280 myńǵa jýyq adam) bás tigýge tyıym salynady;

2. Energetıkalyq sýsyndardy satýǵa tyıym salý:
- 21 jasqa tolmaǵan adamdarǵa energetıkalyq sýsyndardy satýǵa tyıym salynady.

3. Medısınalyq ońaltý:
- Qumar oıyndarǵa táýeldi adamdar úshin medısınalyq ońaltý tártibi engizildi.

4. Qumar oıyndardy jarnamalaýǵa tyıym salý:
- Baılanys operatorlaryna qumar oıynnyń jarnamasy bar habarlamalardy taratýǵa tyıym salynady;
- Býkmekerlik keńseler men kazınolardyń jarnamasy shekteledi. Blogerler men ınflúenserlerge býkmekerlik keńseler men kazınolardy jarnamalaýǵa tyıym salynady.
- Lısenzıasy joq sheteldik býkmekerlik keńseler men onlaın-kazınolardyń ınternet-resýrstaryna tolyq tyıym salý.

Bul maqala týraly ne oılaısyz?