Tiri bolsam, qazaqqa qyzmet etpeı qoımaımyn!

Álıhan Bókeıhan

Qulsarydan Mańǵystaý oblysyna 15 000-ǵa jýyq adam kóshirildi. Kósh ústinde bir bala dúnıege keldi

06 sáýir 2024 193

Qulsary qalasy turǵyndaryn evakýasıalaý jumystary jalǵasyp jatyr, dep habarlaıdy Alash.KZ ulttyq portaly. 

Osy saǵattarda Atyraý oblysy Jylyoı aýdanynyń Qulsary qalasynan Mańǵystaý oblysyna 15 000-ǵa jýyq adam, onyń ishinde 5500-ge jýyq bala evakýasıalandy. 21 ýaqytsha ornalastyrý pýnktterine 1641 adam, onyń ishinde 741 bala evakýasıalandy. 12000-nan astam adam týystarynyń úılerine ornalastyryldy.

Mańǵystaý oblysy TJD jáne JAO kúshterimen syıymdylyǵy 83000-nan astam adamdy quraıtyn 201 halyqty ýaqytsha ornalastyrý pýnktterin daıyndaǵan.

Aıta keteıik, Qulsary turǵyny Mańǵystaýǵa bet túzegen kósh ústinde bosandy. Áıeldi akýsher Gúlzada Qojanıazova bosandyrǵan. 

Senbi kúni, tańerteń, 1980 jyly týǵan áıel júktiliktiń 39-40 aptasynda jedel járdem kóliginde bosandy, ol Qulsaradan Mańǵystaýǵa jetkizildi. Bala 3 kg 150 g salmaqpen dúnıege keldi, - dep habarlady Beıneý aýdandyq aýrýhanasy.

Bul maqala týraly ne oılaısyz?