Tiri bolsam, qazaqqa qyzmet etpeı qoımaımyn!

Álıhan Bókeıhan

Qulsary qalasynyń 200-den astam turǵynyna ótemaqy tústi

23 mamyr 2024 257

Qulsary qalasynyń 200-den astam turǵyny baspanasyn qalpyna keltirý úshin ótemaqy aldy. Bul týraly Atyraý oblysynyń TJ jónindegi jedel shtaby habarlady.

Qulsary qalasynda turǵyn úıge ótemaqy tóleý jáne baǵalaý jumystary jalǵasýda. Búginge deıin komısıa 1500-ge jýyq úıdi baǵalaý qorytyndysyn daıyndady, dep habarlaıdy Atyraý oblysynyń tótenshe jaǵdaılar jónindegi shtaby.

Qala boıynsha 20 mobıldi top qarqyndy jumys isteýde, mamandar ár úıdi aralap, búlingen múliktiń zalalyn anyqtaý jáne tehnıkalyq saraptama nátıjelerin túsindirýde. Mobıldi toptardyń jumysy kún saıyn demalyssyz barlyq jumys tolyq aıaqtalǵansha júrgiziledi.

Búgingi tańda Qulsary qalasynyń 209 turǵyny turǵyn úıdi qalpyna keltirýge qarajat aldy, onyń ishinde 47 otbasy turǵyn úı salý nemese satyp alý jáne 162 adam jóndeý-qalpyna keltirý jumystary úshin tólem aldy.

Qulsary qalasynyń turǵyny Gúlbarshyn Qońyrbaevanyń aıtýynsha, qaýipti dep tanylǵan onyń úıi endi súrilmek. Ol aqshalaı ótemaqy tóleý týraly kelisimge qol qoıyp, Qulsary qalasynan jańa baspana alýdy kózdep otyr.

⁃ Úıimiz apatty dep tanylyp, aqshalaı ótemaqy alý úshin qujattardy jınap berińder dedi. 19 mamyrda barlyq qujattardy tapsyryp, bankten esepshot ashtyq. Qazirdiń ózinde 21 mamyrda qarajat aýdaryldy. Bizdiń baspanaǵa ádil baǵa bergen jergilikti atqarýshy organdarǵa úlken alǵysymdy bildiremin, - dedi G.Qońyrbaeva.

Taǵy bir jergilikti turǵyn Meıram Tilekbaevty baǵalaý paraǵynda kórsetilgen somaǵa qanaǵat etipti, qazir aqshalaı ótemaqy alý úshin qujat jınap jatyr.

⁃ Meniń úıim qaýipti dep tanyldy, ol da buzylyp jatyr. Jaqynda olar maǵan baldyq paraq ákeldi. Keltirilgen shyǵyn kólemine kóńilim tolady, qoldaý kórsetkeni úshin ákimdikke alǵys aıtamyn, — dedi Meıram Tilekbaev.

Al, Galına Qarajanova 20 mamyr kúni ákimdikpen aqshalaı ótemaqy alý týraly kelisimdi resimdeý úshin barlyq qujattaryn jınaǵan. 21 mamyrda onyń shotyna múliktik zalal úshin qarajat kelip tústi.

Qulsary qalasy turǵyndarynyń búlingen múlkin baǵalaý jumystary osy aptanyń sońyna deıin aıaqtalady dep josparlanýda. 

 

Bul maqala týraly ne oılaısyz?