Tiri bolsam, qazaqqa qyzmet etpeı qoımaımyn!

Álıhan Bókeıhan

Qulybaevtar adal baıyp otyr – Jaqsybek Qulekeev

13 mamyr 2024 514

Memleket qaıratkeri, eks-mınıstr Jaqsybek Qulekeev jańa Qazaqstandaǵy kadrlar men Qulybaevtardyń baılyǵyna qatysty pikir bildirdi, - dep habarlaıdy alash.kz Dalanews.kz caıtyna siltep.

Qulekeevtiń sózinshe, qazirgi tańda Qazaqstannyń saıası elıtasy jańarǵan.

«Júıede jańa, jas adamdar kóp. Jaqynda jańa jas mınıstr de taǵaıyndaldy. (...) Memlekettik organdarda meılinshe jaqsy daıyndalǵan adamdar bolsa deımin. Bul jaǵynan eski Qazaqstanda jumys istegen adamdardyń tájirıbesi kóp. Ol kezdegi sheneýniktiń bári paraqor jáne bir adamǵa qyzmet etti dep aıyptaý durys emes shyǵar. Olardyń kóbi adal qyzmet atqardy jáne Qazaqstan halqynyń muń-muqtajyn tyńdap, jumys isteýge tyrysty. Sondyqtan ol júıede de laıyq azamattar bar. Jaýapty qyzmetke adam tańdaý kezinde belgili bir balans kerek shyǵar. Sondyqtan adamdardy eski nemese jańa Qazaqstan ókili dep bólýdi jaqtamaımyn. Bar bolǵany 20 mıllıon adambyz, sondyqtan ár kadrdy baǵalaýymyz kerek. Sebebi jaqsy mamandy daıyndaýǵa biraz jyldar ketedi», - deıdi Jaqsybek Qulekeev Elmedia-ǵa bergen suhbatynda.

Sonymen qatar, Qulekeev Tımýr jáne Dınara Qulybaevalardyń jyl saıyn baıýyna qatysty oıyn aıtty. Onyń sózinshe, ekeýi de adal baıyp jatyr.

«Qazirgi tańda, ıá, olar adal baıyp otyr. Sebebi olardyń iri bıznesi kóp. Olar jas kezinen kásippen aınalysa bastady. Olardyń jan-jaǵynda talantty menejerler kóp. Qazaqstanda kóptegen ónerkásip ashty. Sondyqtan osy jumystardyń bári nátıjesin berip otyr. Eger olarǵa jaqsy jaǵdaı jasalsa, olar budan da kóp nárse jasar edi. Budan qorqýdyń qajeti joq. Olarǵa Qazaqstannyń ekonomıkasyna ınvestısıa jasaýǵa múmkindik berý kerek. Qazir barlyq jerde «anaý jaman, mynaý jaman» dep aıǵaılaı beremiz. Sosyn olar Qazaqstan ekonomıkasyna ınvestısıa salý durys pa nemese aqshany syrtqa shyǵaryp, shetelde bıznes damytý kerek pe dep oılanyp qalady. Eger olar salyqtaryn tólep, barlyq mindetin oryndap, memleketpen eseptesip qoısa, qalǵan aqshany qalaǵanynsha jumsaı alady. Al biz olar Qazaqstan ekonomıkasyna ınvestısıa salsa dep oılaımyz. Olar qalaı baıyǵany meni qyzyqtyrmaıdy. Men jaǵdaıǵa ekonomıs retinde qaraımyn. Eger qazaqstandyq kásipkerde aqsha bolsa oǵan qyzǵanyp qaraýdyń qajeti joq. Kerisinshe olar Qazaqstan ekonomıkasyna ınvestısıa jasaýyna jaǵdaı jasaý kerek», - deıdi Qulekeev.

Suhbat barysynda Jaqsybek Qulekeev Tımýr Qulybaevtyń «Qazmunaıgazdaǵy» yqpaly týraly aıtty.

«Qazirgi tańda onyń kompanıada yqpaly qalmady. Jańa prezıdent kelgeli, ásirese 2022 jylǵy Qańtar oqıǵasynan keıin bári «tazartyldy». Bul jerde (kompanıada) Tımýr Qulybaevqa qatysy bar adamdar qalmady. Tipti keıbir adamdardy ádiletsiz jumystan shyǵaryp jibergen shyǵar, olar «Qazmunaıgazdyń» damýyna úles qosar ma edi? Biraq bolary boldy, boıaýy sińdi. Qysqasy, Qulybaev «Qazmunaıgazdaǵy» mańyzdy sheshimder qabyldaýyna eshqandaı áser ete almaıdy», - deıdi Qulekeev.

Bul maqala týraly ne oılaısyz?