Tiri bolsam, qazaqqa qyzmet etpeı qoımaımyn!

Álıhan Bókeıhan

Qulybaeva men QBTÝ. Tıynǵa satyp alyp edi, memleketke qaıtarýǵa májbúr

28 naýryz 2024 113

Eks-prezıdent Nursultan Nazarbaevtyń ekinshi qyzy Dınara Qulybaeva QBTÝ ǵımaratyn memleketke qaıtarýǵa daıyn

Orda.kz málimetinshe, byltyr kúzde Almatyda Qazaqstan-Brıtan tehnıkalyq ýnıversıtetiniń isine qatysty sot bastalǵan bolatyn. İsti Almatynyń prokýratýrasy qozǵaǵan bolatyn. Dınara Qulybaeva basqaratyn qor eshqandaı zańsyz áreket bolmaǵanyn aıtady. Qańtarda sot medıasıany júrgizý úshin prosesti toqtatqan bolatyn.

Ýnıversıtet «Nursultan Nazarbaev bilim berý qoryna» tıesili. Al qorǵa Dınara Qulybaeva basshylyq etedi. 2000 jyly Nursultan Nazarbaevtyń bastamasymen paıda bolǵan Qazaqstan-Brıtan tehnıkalyq ýnıversıteti 2003 jyly «Qazmunaıgazdyń» aktıvteriniń biri bolǵan edi. Ulttyq kompanıa 15 jyl boıy ýnıversıtetke ıelik etken.

Al 2018 jyly 11,37 mıllard teńgege «Nursultan Nazarbaev bilim berý qoryna» satylyp ketken. Prokýratýranyń nusqasy boıynsha, qor 2018 jyly «Qazmunaıgazdan» ýnıversıtetti zańsyz satyp alǵan.

Prokýratýra eń aldymen ýnıversıtet ulttyq kompanıadan Qulybaevanyń qolyna arzan baǵamen ótip ketken dep sanaıdy. Baǵany Baker Tilli Kazakhstan Advisory ınvestısıalyq brokerlik kompanıasy qoıǵan.

Almaty prokýratýrasy kelispeıtin ekinshi nárse – alty jyl buryn jasalǵan mámilege qatysty. Mámila barysynda proseste «Nursultan Nazarbaev bilim berý qory» jeńiske jetken. Prokýrorlar mámile formaldy túrde ótkizile salǵanyn, proseske qormen birge qatysqan qalǵan eki kompanıa «Iýg» basqarý kompanıasy» men AGDS Group – birkúndik kompanıalar bolǵan.

Degenmen Qulybaeva basshylyq etetin qordaǵylar Almatydaǵy ýnıversıtettiń ǵımaratyn memleketke qaıtarýǵa daıyn ekenin málimdegen.

«Memlekettiń tarıhı sheshimderi qabyldanǵan, atap aıtqanda Táýelsizdik Deklarasıasyna qol qoıylǵan ǵımarattyń mádenı qundylyǵyn eskere otyryp, úlesker ǵımaratty óz erkimen memleket menshigine óteýsiz berý múmkindigin qarastyrýda. Bul rette ýnıversıtetke bilim berý lısenzıasyn jáne oqý prosesin júrgizý úshin senimgerlik basqarý sharttarymen osy ǵımaratta ýaqytsha turý qajet. Osyǵan oraı, qor memlekettik ǵımarattardy senimgerlik basqarýǵa berý kezinde JOO-larǵa qoıylatyn biliktilik talaptaryn saqtaý maqsatynda aksıalardyń 5 paıyzyn memleket menshigine óteýsiz berýge daıyn», - delingen qor habarlamasynda.

Aıta keteıik, buǵan deıin Dınara Qulybaevanyń fransýz Alpisinde qymbat rezıdensıasy týraly jazǵan bolatynbyz.

​​"Vyhod k morú" arnasynyń derekterine súıensek, Dınara Qulybaevanyń fransýz Alpisinde quny 15 mıllıard teńge turatyn úıi bar bolyp shyqqan.

"Mejev - Fransıanyń ońtústik-shyǵysyndaǵy, Alpiniń etegindegi shaǵyn qala, onda nebári 3 myń adam turady. Bul eldiń eń tanymal qysqy kýrorty sanalady. Bul jer Nursultan Nazarbaev bilim berý qory dırektorynyń birinshi orynbasary Svetlana Myrzabekovanyń aktıvteri týraly aqparattardan belgili. Onyń bul jerde quny 1,67 mıllıon eýro turatyn, ıaǵnı Eskape Residence kesheninde úsh bólmeli páteri bar. Buǵan jaqyn jerde Nursultan Nazarbaevtyń bilim qorynyń dırektory Dınara Qulybaeva men onyń kúıeýi Tımýr ıelik etetin Belrıv qamaly ornalasqan", - dep jazylǵan derekte.

"Vyhod k morú" málimetinshe, Belrıv saraıynyń turǵyndary qysqy sport túrlerin jaqsy kóredi. Burynǵy prezıdent Nazarbaevtyń ortanshy qyzy Dınara Qulybaevanyń Alpidegi rezıdensıasy da sol Mejev qalasynda ornalasqan.

Bul maqala týraly ne oılaısyz?