Jyl basynda kásipqoı mansabyn aıaqtaıtynyn málimdegen faıter Qýat Hamıtov oıynan qaıtyp, úlken sportqa qaıta oralatynyn aıtty.
«Qurmetti dostar, men MMA úlken sport túrine qaıta oralǵanymdy resmı túrde jarıa etkim keledi! Qazir jaralymyn, biraq burynǵy kezdegideı taǵy da kúresýge daıynmyn. Men taǵy bes jyl kúrese alamyn dep oılaımyn, sondyqtan ózim úshin osyndaı qıyn sheshim qabyldadym. Ońaı bolmady… Qoldaýlaryńyz úshin barlyǵyna taǵy da alǵys aıtqym keledi, biz qaıtyp kelemiz!» dedi ol óziniń İnstagram paraqshasynda.
Onyń jazbasyna kezinde Hamıtovty jeńgen Marıf Pıraev pikir jazdy. Qazaqstandyq boksshy buǵan deıin ony jáne onyń lıgasyn birneshe ret mazaq etken. Pıraev jańa jekpe-jekti Almatyda ótkizýdi usyndy.
Qýat Hamıtov 34 jasta. 10 jyl boıy 30-dan astam jekpe-jek ótkizgen. Onyń enshisinde 23 jeńis, jeti jeńilis jáne bir teń oıyn bar.
Koronavırýstyq ınfeksıanyń órshýi kezinde Naıman dezınfeksıalaý quraldaryna qarsy shyǵyp, olarǵa qarsy úgit nasıhat júrgizgen. Faıter sot sheshimimen kináli dep tanylyp, alty aıǵa bas bostandyǵyn shekteý jazasyna kesilgen.
Derekkóz
