Tiri bolsam, qazaqqa qyzmet etpeı qoımaımyn!

Álıhan Bókeıhan

Qostanaı oblysynda polısıa qyzmetkerin óz úıinde óltirip ketti

11 mamyr 2024 852
10 mamyrda Qostanaı oblysy,Uzynkól aýylyndaǵy óz úıiniń aýlasynan aýdandyq polısıa bóliminiń qyzmetkeri jansyz kúıde tabyldy, dep habarlaıdy Alash.KZ ulttyq portaly.

Jaǵdaıǵa qatysty Qostanaı oblysynyń polısıa departamenti túsinik berdi. Mamandar qaıtys bolǵan polıseıdiń krımınalıs bolyp qyzmet atqarǵanyn,óziniń jyl saıynǵy eńbek demalysyn alyp, úıinde tynyǵyp jatqanynda qaza tapqanyn naqtylady. 

"Asa aýyr qylmys faktisi boıynsha qylmystyq is qozǵaldy. Qazirgi ýaqytta qylmyskerdi ustaý boıynsha barlyq qajetti tergeý áreketteri men jedel-izdestirý sharalary júrgizilip jatyr", - dep habarlady PD.

Oryn alǵan oqıǵa egjeı-tegjeıli tekserilip jatyr. Sotqa deıingi tergeý barysy İİM baqylaýynda ekeni habarlandy. Tergeý múddesine saı ózge aqparattar jarıalaýǵa jatpaıdy.

Esterińizde bolsa, budan buryn biz Baıanaýylda prokýratýra qyzmetkeriniń ózine qol jumsaǵany habarlaǵanbyz. Baıanaýyl aýdandyq prokýratýrasy qyzmetkeri, 29 jastaǵy azamat óz páterinde, jansyz jatqan jerinde, tabylǵan edi.

Bul maqala týraly ne oılaısyz?