Qostanaı oblysynyń ákimi Arhımed Muhambetov Qostanaı qalasynyń jańa ákimin tanystyrdy.
«Qalalyq máslıhat depýtattarynyń kelisimi boıynsha Marat Júndibaev Qostanaı qalasynyń ákimi bolyp taǵaıyndaldy. Marat Qonyspauly 20 jyldan astam Qostanaı oblysynyń túrli memlekettik qurylymdarynda qyzmet etti. Ol kásibılik, quzyrettilik, óz betinshe negizdelgen sheshim qabyldaý sıaqty qasıetterimen erekshelenedi. Áli de ózin jaqsy jaǵynan kórsetetinine senimdimin» dedi ákim.
Qaırat Ahmetov óz ótinishi boıynsha qyzmetinen bosatyldy. Arhımed Muhambetov Qaırat Ahmetovke atqarylǵan jumystar úshin alǵysyn bildirdi.
«Úsh jyldan astam Qaırat Ahmetov oblys ortalyǵyn basqardy. Kóp jumys atqaryldy. Aýla aýmaqtaryn abattandyrýdy atap ótemin. Shetteri retke keltirilýde, Barabanshy, Soltústik-Batys, qasbetterdiń kelbeti ózgerdi. Sáttilik tileımiz» dedi Qostanaı oblysynyń ákimi Arhımed Muhambetov.
Marat Júndibaev 1974 jyly 26 maýsymda dúnıege kelgen.
1997 j. – A.Baıtursynov atyndaǵy Qostanaı memlekettik ýnıversıtetiniń «Tarıh muǵalimi» mamandyǵy.
2002 j. – Qazaq quqyq jáne halyqaralyq qatynastar ınstıtýty, mamandyǵy «Zańger».
1991 j. – kombaınshynyń kómekshisi.
1997-1998 jj – «Arake» JAQ sheberi.
1999-2002 jj – Jitiqara aýdany ákimi apparatynyń ishki saıasat jáne áleýmettik sala bóliminiń bas mamany, meńgerýshisi.
2002-2005 jj – Qostanaı oblysy ákimi apparatynyń bas mamany.
2005-2008 jj – Jitiqara aýdany ákiminiń orynbasary.
2008-2010 jj – Qostanaı qalasy ákiminiń orynbasary.
2010-2011 jj – Qostanaı oblysy densaýlyq saqtaý basqarmasynyń basshysy.
2011-2013 jj – Qostanaı oblysy oblystyq bilim basqarmasynyń basshysy.
2013-2015 jj – Qostanaı oblysy, Lısakovsk qalasynyń ákimi.
2015-2020 jj – Qostanaı oblysy ákiminiń áleýmettik máseleler jónindegi orynbasary.
2020 jylǵy 28 qyrkúıekten bastap – Prezıdent Ákimshiliginiń memlekettik ınspektory.
Derekkóz
