Tiri bolsam, qazaqqa qyzmet etpeı qoımaımyn!

Álıhan Bókeıhan

Qorǵanys eks-mınıstri memlekettik satqyndyq jasady dep aıyptalýda

21 aqpan 2022 98
 



Qazaqstannyń burynǵy qorǵanys mınıstri Murat Bektanovtyń ýaqytsha ustaý ızolátoryna qamalýyna qatysty jańa málimetter shyqty.

ZTB Telegram-arnasy habarlaǵandaı, Murat Bektanov memleketke satqyndyq jasady dep aıyptalýda. Derekkózdiń habarlaýynsha, qorǵanys eks-mınıstri qańtardaǵy tártipsizdikter kezinde qastandyq jasaýshylarǵa kómektesken.
«Atap aıtqanda, Bektanovtyń basshylyq etetin qorǵanys mınıstrligi qasiretti qańtardyń birneshe kúninde strategıalyq nysandardy der kezinde qorǵaýdy qamtamasyz etpegen. Sol sebepti Polısıa men Ulttyq ulanda qımyl erkindigi bolǵan joq jáne jaǵdaı baqylanbady. Rasynda, Qorǵanys mınıstriniń áreketi qastandyqtyń artynda turǵandarǵa tıimdi boldy.

Sondyqtan UQSHU kúshteriniń kómegine júginý týraly sheshim qabyldandy. Eń bastysy, bizdegi aqparatqa sáıkes, keıbir beıbit turǵyndardyń ólimi áskerılerdiń jaýapkershiliginde. Bul da áskerı calanyń burynǵy basshylyǵynyń jibergen qatelikterin kórsetedi» delingen habarlamada.

Eske salsaq, Nur-Sultanda saǵat 09.25-te qylmystyq-prosestik kodeksiniń 128-babyna sáıkes, Qazaqstan Respýblıkasynyń burynǵy qorǵanys mınıstri Murat Bektanov ustalyp, ýaqytsha ustaý ızolátoryna qamaldy.
«Aǵymdaǵy jyldyń qańtaryndaǵy jappaı tártipsizdikter men lańkestik áreketter faktileri boıynsha qylmystyq isterdi tergegen kezde. Qazaqstan Respýblıkasy aýmaǵynda Qazaqstan Respýblıkasynyń burynǵy Qorǵanys mınıstri M.Q.Bektanov mindetterin oryndaı almady.

19.02.2022 atalǵan fakti boıynsha Qazaqstan Respýblıkasynyń Bas prokýratýrasy Qylmystyq kodekstiń 452-baby (bılik organdarynyń áreketsizdigi) boıynsha sotqa deıingi tergep-tekserýdi bastady» delingen habarlamada.



Bul maqala týraly ne oılaısyz?