Almatyda qamaýǵa alynǵan belgili kásipker, Darıǵa Nazarbaevanyń qudasy Qaırat Boranbaev Nur-Sultanǵa jetkizildi.
Beınekadrda quqyq qorǵaý organdary qolyna kisen salynǵan Qaırat Boranbaevty ushaqtan shyǵaryp, shaǵyn avtobýsqa otyrǵyzdy.
Eske salsaq, Qaırat Boranbaev Orda.kz tilshisiniń kamerasyna túsken sátte ustalǵan bolatyn. Bul týraly quqyq qorǵaý organdaryndaǵy derekkóz habarlady.
Orda.kz tilshileri keshe Qaırat Boranbaevty Aıýsaı shatqalynda sýretke túsirip aldy. Ol biraz adamdarmen birge baıaý júrip kele jatty. Onyń eki qoly artyna qaıyrylǵan, biraq kisensiz. Jýrnalıserdi kórgen ol qasyndaǵylarmen birge tez ishke kirip ketti.
Dál sol ýaqytta shatqalda qońyr aıýlardy jańǵyrtý jobasynyń tusaýkeseri ótip jatqan edi.
Orda.kz redaksıasy tabıǵatty tamashalaýǵa Boranbaev ta keldi dep sheshti. Keshke qaraı onyń ustalǵany belgili boldy. Alaıda, aty-jónin atamaýdy ótingen qarjy monıtorıńi agenttiginiń qyzmetkeri bizge McDonald’s franshızasy ıesiniń Aıýsaı shatqalynda vıllasy bar ekenin jáne sol sátte onda tintý jumystary júrip jatqanyn aıtty. Al Orda.kz kamerasyna túsken kezde ol quqyq qorǵaý organdary qyzmetkerlerimen vıllaǵa irgeles aýmaqty aınalyp ótip bara jatqan bolyp shyqty. Osydan keıin taýdan túsken Boranbaevqa birden resmı túrde aıyp taǵyldy.
Eske salsaq, 15 naýryzda Boranbaevty Almatyda qarjy monıtorıńi agenttiginiń ortalyq apparatynyń qyzmetkerleri qamaýǵa aldy. 16 naýryz kúni ol Almatydan Nur-Sultan qalasyna jetkizildi.
«Boranbaev astanaǵa Qazaqstannyń quqyq qorǵaý organdaryna taǵaıyndalǵan Iak-42D ushaǵymen jaqynda ǵana ákelindi» dedi derekkóz.
Derekkóz
