Tiri bolsam, qazaqqa qyzmet etpeı qoımaımyn!

Álıhan Bókeıhan

Qoǵam belsendisi Áıgerim Tileýjandy túrme ákimshiliginiń qorlap jatqany habarlandy

18 mamyr 2024 512
Jeli qoldanýshysy Abzal Dostıar 17 mamyr kúni jýrnalıs Áıgerim Tileýjanǵa qorǵan bolýǵa shaqyryp, belsendininiń qorlanyp jatqanyn habarlady. Jazbada túrme bastyǵynyń Áıgerim Tileýjandy emdeýge jóneltip, áýelde bergen ýádesin oryndaýdan bas tartqany aıtylǵan, dep habarlaıdy Alash.KZ ulttyq portaly.
 
Jeli qoldanýshysy Abzal Dostıar jalpaq jurtty Áıgerim Tileýjanǵa qorǵan bolýǵa shaqyrdy:
Keshe túnde, saǵat 22:00-de Áıgerimniń anasy Shekerhan apaıdy Almaty qalasy, Túriksib aýdanyndaǵy 71-shi mekemesine alyp bardym, bul el aýzynda “SI-18”-dep atalyp ketken tergeý ızolátory.
Túrme aldyna barǵan sebebimiz- eki keshtiń arasynda Jaýǵashtydaǵy Áıgerim qamaýda otyrǵan túrmeniń bastyǵy Áıgerimniń anasy men advokatyna habarlasyp túngi 22:00 men 23:00-diń arasynda Áıgerim Tileýjandy Tergeý ızolátoryna alyp keletinderin aıtqan.
Buǵan deıin túrme bastyǵy:”Eger emdeýshi dáriger Áıgerimdi ızolátor ishinde emdeı almaımyn, tek qana tis emhanasynda emdeımin dese boldy, solaı jasaımyz, emhanaǵa aparyp, emin aıaqtaımyz”-dep ýáde bergen bolatyn, sol ýádesine senip Áıgerim ashtyǵyn toqtatqan edi.
Áıgerimniń advokaty Aınara Aıdarhanova, Áıgerimdi emdep júrgen dáriger Jaqsylyq Temirbaev, Jaýǵashtydaǵy áıelder kolonıasynyń bastyǵy Magnıs Sabırov jáne Almaty oblysy boıynsha Adam quqyqtaryn qorǵaý jónindegi ýákil Elbrýs Sultanqulov Tergeý ızolátorynyń ishine kirip ketip bir saǵattan soń barlyǵy qaıta shyqty.
Dáriger Temirbaev mekeme ishindegi emdeý bólmesinde Áıgerim Tileýjandy emdeı almaıtynyn aıtqan, sebebi qural-jabdyqtar sáıkes kelmeıdi eken, medısınalyq qurylǵylar iske qosylmaǵan,sol sebepti Temirbaev sol jerge jınalǵandarǵa Áıgerimniń emin tek ózi jumys isteıtin emhanada aıaqtaıtynyn aıtqan, onyń bul sózderin qyzmetkerler beınekameraǵa jazyp alǵan, biraq túrme bastyǵy áýelde bergen ýádesin oryndaýdan bas tartqan, ıaǵnı Áıgerimdi tis emhanasyna aparýdan bas tartyp otyr,- dep jazdy belsendi. 
 
Sonymen qatar, Áıgerim Tileýhannyń densaýlyǵy nasharlap, júdep-jadap ketkeni de habarlandy:
Ótken aptada Áıgerimniń bir jaq beti jansyzdanyp, kózi qyzaryp, qulaǵy shyńyldap qatty aýyrǵanyn, İle aýdandyq aýrýhanasyna jedel-járdem kóligimen shuǵyl jetkizilgeni habarlanǵan. Anasynyń aıtýynsha Áıgerim ábden azyp, kózi shúńireıip qý súıegi qalǵan, ózi etjeńdi emes qyzdyń qazirgi halin kóz aldyńyzǵa elestete berińiz… “Basymdy ımeımin, tizemdi búkpeımin”-degen qaısar jandy osynsha qorlaý arqyly onyń júıkesin tozdyryp, qajytyp, saǵyn syndyrmaq pa? Qyz balaǵa osynsha qysym kórsetý, azaptaý adamgershilikke jatpaıdy emes pe? Barshańyzdy Aıgerım Tileýjanovany qorǵaýǵa shaqyramyn! Jazyqsyz qyzdy bostandyqqa shyǵara almasaqta tıisti medısınalyq kómek alýyna qolǵabys jasaıyq! - dedi avtor. 

Eske salaıyq, 2022 jyldyń qazan aıynda Áıgerim Tileýjanǵa Almaty áýejaıyndaǵy qańtardaǵy tártipsizdikke qatysty dep málimdeldi. 

Oǵan Qazaqstan Respýblıkasy Qylmystyq kodeksiniń 272-baptyń 1-bóligimen (shetelden alynǵan qarajatty paıdalana otyryp, zorlyq-zombylyqpen, qyrǵynmen, órt qoıýmen, múlikti joıýmen, atys qarýyn, jarylǵysh zattardy nemese jarylǵysh qurylǵylardy qoldanýmen, sondaı-aq bılik ókiline qarýly qarsylyq kórsetýmen ushtasqan tártipsizdikter uıymdastyrý) boıynsha aıyp taǵyldy.

2023 jyldyń sáýir aıynyń basynda Áıgerim Tileýjan bul isti saıası astary bar ekenin aıtyp, batyl sóıledi.

Bul maqala týraly ne oılaısyz?