Tiri bolsam, qazaqqa qyzmet etpeı qoımaımyn!

Álıhan Bókeıhan

Qyzylordada súıiktisi úıine aparyp zorlap, vıdeony taratamyn dep baltamen qorqytqan

30 mamyr 2024 1004

Qyzylorda qalasynda súıgenine zorlyq kórsetken jigitke qatysty tergeý bastaldy, dep habarlaıdy Alash.kz Astana arnasyna silteme jasap.

Qyzylordalyq boıjetken «súıiktimnen zábir kórdim» deıdi. Aıtýynsha, ony jigiti aldap úıine shaqyryp, qorqytyp, zorlyq kórsetken. Artynsha jazdym-jańyldym dep keshirim surapty. Biraq ýaqyt óte kele túsirip alǵan vıdeony taratamyn dep, qoqan-loqqy jasaǵan kórinedi.

 «Qınap, meni baltamen qorqytyp, shyǵaıyn desem shyǵa almaımyn. Men júrmeımin senimen degenimde meni ura bastady», - deıdi jábirlenýshi boıjetken.

Al jábirlenýshi qyzdyń anasy jigittiń jazasyn alýyn talap etip otyr.

Polısıa departamenti bul jaǵdaıdy rastady. Tergeý amaldary bastalǵan.

«Qylmystyq is boıynsha jan-jaqty jáne obektıvti túrde tergep-tekserý júrgizilýde. Nátıjesimen zańdy sheshim qabyldanady. Sonymen qatar, QR Qylmystyq-prosestik kodekstiń 201-babynyń talabyna saı qylmystyq is júrgizilý barysy tergeý qupıalyǵyna baılanysty jarıalanbaıtynyn habarlaımyz», - delingen Qyzylorda oblystyq PD habarlamasynda.

Bul maqala týraly ne oılaısyz?