Tiri bolsam, qazaqqa qyzmet etpeı qoımaımyn!

Álıhan Bókeıhan

Qytaı men Reseı gaz baǵasyna kelise almaı qaldy

03 maýsym 2024 399

Reseıdiń Qytaımen "Sibir kúshi - 2" gaz qubyryn salý týraly kelisimge kelý áreketteri baǵa saıasatyndaǵy kelispeýshilikter men Beıjiń Máskeýden satyp alǵysy keletin gaz mólsherine baılanysty toqtap qaldy. Bul týraly Financial Times gazeti kelissózderdiń barysymen tanys úsh derekkózge silteme jasap jazdy, dep habarlaıdy Alash.kz saıty Inbusiness.kz saıtyna silteme bere otyryp.

Basylymnyń derekkóziniń aıtýynsha, Qytaı "Sibir kúshi - 2" arqyly jetkiziletin gaz úshin memlekettik sýbsıdıalardyń arqasynda belgilengen deńgeıde saqtalyp kelgen Reseıdegi otynnyń ishki baǵasyna jaqyn baǵany tólegileri keledi. Sonymen qatar, Beıjiń gaz qubyrynyń qýaty jetkize alatyn otyn kóleminiń az ǵana bóligin satyp alýǵa daıyn. 

Bul máseledegi kelispeýshilikter "Gazprom" JAQ basqarma jáne dırektorlar keńesiniń tóraǵasy Alekseı Mıllerdiń 2024 jyldyń mamyrynda Reseı prezıdenti Vladımır Pýtınniń Qytaıǵa saparyna birge erip barmaýyna sebep bolǵan.

Qubyr mámilesi Pýtın men Sı Szınpınniń kezdesý barysynda talqylaǵan úsh negizgi taqyryptyń biri boldy, dep habarlaıdy FT derekkózderi. Qalǵan máseleler — Reseı Federasıasyndaǵy Qytaı bankteriniń belsendiligin arttyrý týraly ótinishter men Beıjińdi maýsym aıynyń ortasynda Shveısarıada ótetin Ýkraına boıynsha beıbit konferensıaǵa nemquraıly qaraýǵa shaqyrý.

Mıllerdiń mundaı mańyzdy kelissózderde bolmaýy "óte sımvoldyq" boldy, dep atap ótti Kolýmbıa ýnıversıtetiniń jahandyq energetıkalyq saıasat ortalyǵynyń ǵylymı qyzmetkeri Tatána Mıtrova.

Sonymen birge, Beıjińniń "Sibir kúshi - 2" týraly qatań ustanymy Reseıdiń Ýkraınaǵa tolyq basyp kirýi Pýtındi ekonomıkalyq qoldaý turǵysynan Beıjińge qalaı táýeldi etetinin kórsetedi, dep jazady gazet.

Bul maqala týraly ne oılaısyz?