Tiri bolsam, qazaqqa qyzmet etpeı qoımaımyn!

Álıhan Bókeıhan

"Qyrýar qarjynyń qaıda ketkeni belgisiz". Jer silkinisine qatysty eskertý bolmaǵany úshin qylmystyq is qozǵaldy

05 maýsym 2024 250

Almaty prokýratýrasy qańtar aıynda bolǵan jer silkinisi kezinde beıǵamdyq tanytqandardyń áreketine, ıaǵnı seısmıkalyq eskertý júıesiniń ýaqytynda qosylmaǵanyna qatysty qylmystyq is qozǵady. Sonymen qatar, jer silkinisi kezinde dabyl qaǵý, aldyn ala eskertý júıesine mıllıard teńgeden astam qarjy bólingeni aıtyldy, dep habarlaıdy Alash.KZ ulttyq portaly. 

Esterińizge sala keteıik, Almaty qalasy men Qazaqstannyń ońtústik shyǵysynda 23 qańtar men 4 naýryz kúnderi jer dúmpýi tirkeldi. Qala turǵyndary bolǵan tabıǵat qubylysynan sekem alyp, shoshynǵany belgili. Olar eskertý júıesiniń jumys istemegenine narazy. Soǵan oraı, sotqa deıingi tergeý abaısyzdyq baby boıynsha júrgizilip jatyr:

“Almaty qalalyq prokýratýrasy Qylmystyq kodekstiń 371-babynyń 2-bóligi "Abaısyzdyq" boıynsha qylmystyq is qozǵady. Sotqa deıingi tergep-tekserýdi Almaty qalasynyń arnaıy prokýrorlar basqarmasy júrgizip jatyr. Qylmystyq is júrgizý kodeksiniń 201-babyna sáıkes sotqa deıingi tergep-tekserýdiń barysy týraly ózge de málimetter jarıa etilmeıdi”, – dedi Almaty qalalyq prokýratýrasynyń aǵa prokýrory Raıymbek Sháribaev.

Oraıy kelgende aıta keteıik, Prezıdent te óz sózinde jer silkinisi kezinde jaıbaraq qalǵandardyń áreketin synaǵan edi. "Ádildik joly" respýblıkalyq qoǵamdyq birlestiginiń ókilderi de bul kiltıpanǵa qatysty óz betinshe tekserý júrgizip jatyr. Olardyń aıtýynsha, eskertý júıesin iske qosý, qyzmetin júrgisý isiniń ózi búdjetke bir mıllıard teńgeden astam shyǵyn ákelgen. Qoǵam birlestigi ókilderiniń aıtýynsha, qarjy durys jusalmaǵan jáne qajetti talaptarǵa saı emes. 

“Merdigerdiń aıtýynsha, bir shveısarıalyq seısmıkalyq dachık quny 11 mıllıon teńgeden sál asady, oǵan qosa shaǵyn serverlik qorap, komýnıkasıalyq qural-jabdyqtar shamamen 2-3 mıllıon. Qurylysqa 7-9 mıllıon ketti delik. Boljamymyz boıynsha onyń quny 20 mıllıonnan aspaıdy. Degenmen qujat boıynsha 40 mıllıon delingen”, – dep málimdedi "Ádildik joly" RQB atqarýshy dırektory Dıdar Smaǵulov.

Qazirgi ýaqytta shash_etekten shyǵyn ákelgen eskertý júıesiniń esebi suralyp jatyr. Qoǵam belsendileri ishki memlekettik aýdıt departamentinen aqshanyń ne úshin jumsalǵany týraly esep berýdi talap etti. 

Bul maqala týraly ne oılaısyz?