Tiri bolsam, qazaqqa qyzmet etpeı qoımaımyn!

Álıhan Bókeıhan

Qyrǵyzstan aýadan aqsha "jasaı" bastady

20 mamyr 2024 300

Aýa sapasyn jaqsartý úshin Qyrǵyzstan 50 mıllıon dollar alady. Ekologıalyq jaǵdaıdy jaqsartýǵa qarjyny Halyqaralyq damý qaýymdastyǵy bóledi. Qyrǵyzstan prezıdenti Sadyr Japarov Halyqaralyq damý qaýymdastyǵymen respýblıkaǵa 50 mıllıon dollar nesıe bólý týraly kelisimdi ratıfıkasıalaý týraly zańǵa qol qoıdy. Aqsha respýblıkadaǵy aýanyń sapasyn jaqsartý jobalaryna jumsalady, - dep habarlaıdy Alash.kz.

Qyrǵyz depýtattary osy jyldyń sáýir aıynda bul kelisimdi ratıfıkasıalaıtyn zań jobasyn maquldaǵan.

Joba aýa sapasynyń hımıalyq zerthanasyn jańartýdy jáne qaladaǵy turaqty jasyl jelekterdi saqtaý úshin Bishkekte ırrıgasıalyq júıelerdi ornatýdy josparlap otyr.

Sondaı-aq atmosferalyq aýanyń sapasyn basqarý júıesin jetildirý jáne ony baqylaý úshin avtomattandyrylǵan stansıalardy qurý josparlanýda.

Qarajattyń bir bóligi úıinde taza jylý tehnologıasyna kóshken azamattardy qoldaýǵa da baǵyttalady.

Esterińizge sala keteıik,byltyr aýa sapasy reıtıńin jarıalaıtyn www.iqair.com saıtynyń málimetinshe, Bishkek aýanyń lastanýy boıynsha álemde birinshi orynda tur.

Bul maqala týraly ne oılaısyz?