Qazaqstannyń eń jas avtoshabandozy,16 jastaǵy Anatolıı Kın 6 mamyrda jol apatynan qaza tapty, dep habarlaıdy Alash.KZ ulttyq portaly.
Qaraly habarardy STK Sokol avtodromynyń ókilderi Instagram-daǵy paraqshasynda bólisti.
"Búgin Tolık Kınnen aıyrylyp qaldyq. Pavlodar baǵytyndaǵy tas jolda bolǵan apat saldarynan bizdiń chempıonattyń eń jas ári, sózsiz, eń talantty avtoshabandozy qaza tapty. Tolá, sen óz armanyna qaraı eshteńe qaraılamaı baǵyt aldyń ári sol armanǵa umtylýǵa degen adaldyǵyńnyń, sondaı-aq jaqyndaryń men dostaryńnyń qoldaýy arqasynda úlken bıikterdi baǵyndyryp, eń myqtylardyń biri boldyń. Biz seni maqtan tutamyz, sen bizdiń jadymyzda 16 jasar Tolá bolyp máńgige qala beresiń", delingen qaraly habarda.
Derekterge sensek, 5 mamyrda jas shabandoz Almatyda dreıf serıasynda jarysqa túsken. Al 6 mamyr kúni onyń qazasy týraly habarlandy.
