Jyl basynan beri sport salasynda 39 jemqorlyq qylmysy tirkelgen. Bul jaıly sybaılas jemqorlyqqa qarsy ótken jıynda aıtyldy. Sonymen qatar, sportty damytýǵa bólinetin memlekettik qarajattyń utymsyz jáne tıimsiz jumsalý máselesi talqylandy, dep habarlaıdy Alash.KZ ulttyq portaly.
Beıindi mınıstrlik ishindegi jemqorlyqtyń aýqymy qazirgi ýaqytta burynǵy vıse-mınıstr, cport jáne dene shynyqtyrý isteri komıtetiniń tóraǵasy, cportty damytý dıreksıasynyń basshysy jáne basqa da laýazymdy tulǵalardyń qylmystyq jaýapkershilikke tartylǵan.
"Ult densaýlyǵyn nyǵaıtý jáne buqaralyq, ásirese balalar sportyn damytý máselelerine memleket basshysy erekshe kóńil bóledi. Tek keıingi 6 jylda osy saladaǵy búdjet eki esege ósip, 1,4 trln teńge boldy. Alaıda, Qazaqstannyń álemdik sporttaǵy reıtıńi tómendep jatyr. Osy sala búdjetiniń 90%-y jumsalatyn "joǵary jetistikter" jáne "buqaralyq" sportty qarjylandyrý arasynda teńgerimsizdik baıqalady. Al damyǵan elderde proporsıalar múldem ózgeshe jáne buqaralyq sportqa qarajat bólý basym. "Qarjylandyrýdaǵy dısproporsıa jemqorlyq shemalaryna negiz boldy. Eger buqaralyq sportta qazir sıfrlandyrylǵan jan basyna shaqqandaǵy qarjylandyrý baǵdarlamasy jumys istep tursa, onda joǵary jetistikter sportynda ashyq emes jáne sýbektıvti tólemder, az baqylaý, affılırlengen qatysýshylar, jalǵan oqý-jattyǵýlar jáne qosarlanǵan qarjylandyrýǵa jaǵdaı jasalǵan", - dedi agenttik tóraǵasy.
