Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstanǵa Reseı bıdaıy kelmegendikten elde un tapshylyǵy týyndaýy múmkin

11 sáýir 2022 126
[ad_1]



Qazaqstandaǵy un óndirýshiler "1-1,5 aptaǵa jetetindeı ǵana" bıdaı qory qalǵanyn, odan keıin dıirmendi toqtatýǵa májbúr bolatynyn aıtyp dabyl qaqty. Bul jóninde Qazaqstannyń astyq óńdeýshiler odaǵy habarlady.

Odaqtyń málimetine qaraǵanda, qazir bıdaıdyń bir tonnasy 160 myń teńgege deıin qymbattaǵan, biraq mundaı baǵadaǵy bıdaıdyń ózin tabý qıyn. Sonyń saldarynan Qostanaı oblysynda dıirmenderdiń – jartysynan astamy, Qaraǵandy oblysynda 15 dıirmen jumysyn toqtatqan. Soltústik Qazaqstan, Pavlodar oblystary men Almatyda da dıirmenderdiń basym bóligi jumys istemeı tur.

"Biz, dıirmenshiler, eki-úsh aptadan beri bıdaı satyp ala almaı jatyrmyz, usynys joq.... Un qatty qymbattaıdy. Qymbatshylyqtan qashyp qutylý múmkin emes, sebebi biz óndiretin ónimniń ózindik qunynyń 85 paıyzy shıkizatqa baılanysty" dedi Astyq óńdeýshiler odaǵynyń vıse-prezıdenti Talǵatbek Álıhan. Onyń sózinen eldala.kz saıty úzindi keltiredi.

Reseıdiń bıdaı eksportyn tolyq toqtatqanyn alǵa tartqan dıirmenshiler Qazaqstan aýyl sharýashylyǵy mınıstrliginen bıdaı eksportyn toqtatyp, barlyq qorǵa ınventarızasıa júrgizýdi talap etip otyr.

Astyq óńdeýshilerdiń aıtýynsha, úkimet bıdaı tasymaldaýǵa kvota berýmen qatar un tasymaldaýdy shekteı bastaǵan. Aýyl sharýashylyǵy mınıstrliginiń túsindirýinshe, astyq naryǵyndaǵy negizgi eki oıynshy Reseı men Ýkraına naryqtan ýaqytsha ketip, kórshi naryqtarda suranys artqandyqtan bıdaı men un tasymaldaýda "ajıotaj" týyndamas úshin osyndaı sharalar qabyldanǵan.

– Bizge Túrkıa, Pákistannan ımporterler kelip jatyr. Ádette arpa satyp alatyn Iran 2 mln tonnaǵa deıin bıdaı satyp alatynyn málimdedi. Osyndaı shaqta kásipkerlerge ónimdi qymbatyraq satqan paıdaly bolatyny túsinikti jáne azyq-túlik qaýipsizdigi men ishki naryqty toltyrý máselesin sońynda ǵana eske alady, – dedi Aýyl sharýashylyǵy mınıstrliginiń eginshilik departamentiniń dırektory Azat Sultanov "Atameken" palatasynyń otyrysynda.

Ulttyq statısıka búrosynyń málimetinshe, 1 naýryz kúngi jaǵdaı boıynsha Qazaqstanda 5,9 mln tonna bıdaı bolǵan. Alaıda dıirmenshiler bul málimetke kúmán keltiredi. Olardyń aıtýynsha, bul málimet ózderi júrgizgen saýalnamadan alynǵan derekpen múlde sáıkes kelmeıdi.



[ad_2]

Derekkóz
Bul maqala týraly ne oılaısyz?