Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstanǵa qymyz Belorýssıa men Reseıden, Qyrǵyzstannan keledi

27 mamyr 2024 511

Basqany aıtpaı-aq qoıaıyq,qymyzdyń ózin shetelden aldyrýǵa kóshippiz. Byltyr elge 4 myń tonnadan asa qymyz kirgen, dep habarlaıdy Alash.kz saıty 24KZ-ke siltep.

Shetelden keletin qymyzdyń basym bóligi Reseıden jetkizilipti. Ol jaqta bashqurt aǵaıyndar bar. Qyrǵyz aǵaıyndardan da Alataýdan asyp 500 tonnadaıy qymyz kelipti. Tipti belarýstar da bizge 2 tonna qymyz berip jibergen.

Kıim keshek, tehnıkalyq taýalar shetelden kirse, oǵan túsinistikpen qaraımyz. Al san ǵasyrdan beri myń myńdap jylqy aıdap, bıe baılap, qymyz ishken qazaq úshin belorýstardan qymyz satyp alyp ishkenimiz, shynynda uıat!

Shetelden kirip jatqan qymyz qanshalyqty sapaly? Adam densaýlyǵyna zıandy emes pe? Oǵan eshkim kepildik bermeıdi. Árıne, árkimniń talǵamy ártúrli. Onyń ústine qazirgi naryq zamanynda babalarymyzdan qalǵan tártipti saqtaýǵa ýaqyt ta tar shyǵar. Degenmen, mamandar qymyzdyń babyn keltirý úshin tabıǵı buıymdardy qoldaný kerek deıdi.

Eskerteıik, byltyr Reseıge 2760 tonna qymyz eksporttaldy. Al, ımport kólemi eki ese artyq. Onyń ishinde Reseı men Qyrǵyzstannyń úlesi joǵary. Bulardyń basym bóligi qutydaǵy qymyz. Degenmen, dúkende turǵan qymyzdyń bári tabıǵı ónim deýge kelmeıdi. Dámdeýish qosyp, dámin qymyzǵa uqsatyp qoıatyndar kóp. Mamandar, ásirese, syrttan kelgen qymyzdy alǵanda abaılaýǵa keńes beredi.

Qymyz eksporty:

Reseı – 2 760 tonna,

Qymyz ımporty: Reseı – 4 279 tonna, Qyrǵyzstan – 521 tonna, Belarýs – 2 tonna.

   

Bul maqala týraly ne oılaısyz?