Tiri bolsam, qazaqqa qyzmet etpeı qoımaımyn!

Álıhan Bókeıhan

"Qazaqstandyq fýtbolshylardyń aılyǵy 40 myń eýro". Kongolyq legıoner Joel Kaıamba Qazaqstan fýtbolshylaryna qatysty biraz shyndyqty aıtypty

15 sáýir 2024 653

Dop oınaǵan ozatyn zaman boldy. "Atyraý" fýtbol klýbynyń jartylaı qorǵaýshysy, kongolyq legıoner Joel Kaıamba Qazaqstan Premer lıgasynda oınaıtyn fýtbolshylardyń jalaqysy týraly aıtypty. 

"Qazaqstanda fýtbolshylarǵa tólenetin jalaqy eýropalyq kóp lıgadaǵy jalaqydan artyq. Basty aıyrmashylyq – Eýropa fýtbolynda aqsha mańyzdy emes. Ol jaqta fýtbolshylar damýdy jáne myqty chempıonatta oınaýdy qalaıdy. Olar aqshany oılamaıdy.

Al Qazaqstan fýtbolynda aqsha tym kóp. Eger siz "PSJ", "Lıon", "Marsel", "Monpele" jáne basqa klýbtarda oınaıtyn bolsańyz, cizge kóp aqsha tólenedi, biraq siz kóp salyq tóleýińiz kerek. Fransıadaǵy táýir klýbtar oıynshylaryna 40 myń eýro aılyq tóleıdi.

Al Qazaqstanda Chempıondar lıgasyna múlde qatysyp kórmegen, biraq oıynshylaryna 40 myń eýrodan (qazirgi baǵammen shamamen 19 mln teńge) artyq tóleı alatyn fýtbol klýbtary bar", – dedi Joel Kaıamba.

Kongolyq shabýylshy Joel Kaıamba "Atyraý" klýbynyń sapyna bıyl qosyldy. Qazaqstandyq komandamen el chempıonatynda 4 mach, al kýboktyq oıynda 1 mach ótkizdi. Ázirge nátıjeli is-qımylmen kózge túspedi. Al "Atyraý" fýtbol klýby Qazaqstan Premer lıgasynyń 4-týr qorytyndysy boıynsha 3 upaımen 10-orynda tur.

 

Bul maqala týraly ne oılaısyz?