Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstanda ınternet alaıaqtaryna qarsy kúres sharalarynyń bastalǵany habarlandy

22 mamyr 2024 242

Memleket basshysy Qasym-Jomart Toqaev "Qazaqstan Respýblıkasynyń keıbir zańnamalyq aktilerine baılanys, sıfrlandyrý, ınvestısıalyq ahýaldy jaqsartý jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń zańyna qol qoıdy.

Zańda antıfrod-tetigi engizildi. Onyń aıasynda ınternet-alaıaqtyqqa jáne qarjy uıymdaryn zańǵa qaıshy maqsattarda paıdalanýǵa qarsy shara qoldanylady. Bul týraly Aqorda habarlady.

Antıfrod – bul zańsyz áreketterdi baqylaıtyn jáne buǵattaıtyn júıeler. Kóbinese qarjylyq operasıalardy qamtamasyz etý úshin qoldanylady. Atalmysh tetik arqyly kúdikti, kúmándi qarjy aýdarymdary baqylanyp, toqtaý qoıylady.

"Bul normatıvtik qujat basqarý ortalyǵy Qazaqstannan tysqary jerde ornalasqan baılanys jelileriniń jumysyn qamtamasyz etý úshin elge jabdyq ákelýge tyıym salady.

Budan bólek, Densaýlyq saqtaý mınıstrliginiń qyzmetin avtomattandyrýǵa, sonyń ishinde densaýlyq saqtaý uıymdarymen ózara qarym-qatynasty jolǵa qoıýǵa arnalǵan densaýlyq saqtaý ıntegrasıalyq platformasynyń jumysyna qatysty máseleler retteldi", - delingen resmı habarlamada.
Bul maqala týraly ne oılaısyz?