Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstanda taksı qyzmeti TMD boıynsha eń qymbat

19 qańtar 2024 36
2023 jylǵy jeltoqsanda taksı baǵasy ótken jylmen salystyrǵanda 9,1% qymbattady. Bul týraly Energyprom.kz habarlady.

Óńirler boıynsha baǵanyń óskenin, ásirese, Almaty turǵyndary sezdi. Sebebi onda taksı baǵasy bir jylda 30,3% qymbattaǵan. Ekinshi jáne úshinshi oryndarda 22,1 jáne 17%-ben Aqtóbe men Abaı oblystary tur.

Taksı baǵasy aıtarlyqtaı qymbattamaǵan óńir – Mańǵystaý oblysy (1,2%). Almaty, Shyǵys Qazaqstan jáne Batys Qazaqstan oblystarynda baǵa burynǵysha qalǵan.

2023 jylǵy qańtar-jeltoqsan aralyǵynda taksı qyzmetin kórsetetin kompanıalardyń tabysy bir jylda 17%, 5,9 mlrd teńgege deıin artqan. Osy kezeńde taksı qyzmetin 47,4 mln adam paıdalandy. Bul – bir jyl burynǵy kórsetkishten 2% tómen. Jolaýshy aınalymy 44%, 1,4 mlrd shaqyrymǵa deıin qysqarǵan.

Qańtar-qarasha aralyǵynda taksı qyzmeti salasyndaǵy negizgi kapıtalǵa salynǵan ınvestısıa kólemi 751,9 mln teńgege jetti. Bir jyl burynǵy kórsetkish 495,1 mln teńge edi. Investısıanyń jyldyq ósimi 51,8% bolyp tur.

Eń kóp ınvestısıa Almaty oblysyna (360,6 mln teńge) quıyldy. Bul – bir jyl burynǵy kórsetkishten 6,9 ese kóp. Qazaqstandaǵy óńir úlesi – 48%.

Numbeo dereginshe, bıyl 15 qańtardaǵy jaǵdaı boıynsha standart tarıfpen 1 shaqyrymǵa júrýdi eseptegende, eń qymbat taksı baǵasy Shveısarıa (4,63 dollar), Lúksembýrg (3,29 dollar) pen Kýveıttte (3,25 dollar) tirkelgen.

Qazaqstandaǵy taksı quny 0,61 dollar boldy. Bul – TMD elderi ishindegi eń joǵary kórsetkish. Ázerbaıjanda standart tarıfpen 1 shaqyrym jol júrý – 0,59 dollar, Reseıde – 0,34 dollar, Ýkraınada – 0,32 dollar, Belarýsıada – 0,31 dollar, Armenıa men Ózbekstanda – 0,3 dollar.
Bul maqala týraly ne oılaısyz?