Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstanda taǵy tótenshe jaǵdaı. Ekibastuzda erekshe rejım engizildi

15 mamyr 2024 731

Ekibastuz qalasynda tótenshe jaǵdaı jarıalandy. Erekshe rejımniń engizilýine  komýnaldyq jelilerdiń 90 paıyzdan astamy tozyp turǵany sebep bolǵan, dep habarlaıdy Alash.KZ ulttyq portaly.

Ekibastuz qalasynyń ákimi Aıan Beısekın tehnogendik sıpattaǵy tótenshe jaǵdaı jarıalaý týraly sheshim qabyldady. Sebebi káriz júıesindegi kolektordy jedel jóndeý qajet. Esterińizde bolsa, bıylǵy jyldyń basynan beri Ekibastuzdaǵy eki káriz júıesinde apat bolǵan edi.Tıisti qujat «Ashyq NQA» saıtynda jarıalandy.  

"Ekibastuz qalasy ákiminiń orynbasary Erjan Salhanov tehnogendik sıpattaǵy tótenshe jaǵdaılardy joıý basqarmasynyń basshysy bolyp taǵaıyndalyp, oǵan tótenshe jaǵdaıdy joıýǵa baǵyttalǵan is-sharalardy júrgizý tapsyrylsyn", – delingen ákim qaýlysynda.

Esterińizge sala keteıik, 2022 jyldyń qysynda Ekibastuzdaǵy jylý elektr ortalyǵynda apat boldy. Qaqaǵan qystyń ortasynda qala halqy jylýsyz qalyp, sergeldeńge tústi.

Bul maqala týraly ne oılaısyz?