Qazaqstan syrtqy ister mınıstrliginiń resmı ókili Aıbek Smadıarov Ózbekstanda qazaqstandyq týrıserdiń jábirlenýine qatysty málimdeme jasady. Bul jóninde "Qazaqparat" agenttigi habarlady.
"Qazaqstan syrtqy ister mınıstrligi ne jaǵdaı bolǵanyn túsiný úshin hat joldady. Biz azamattarymyzdyń quqyǵyn qorǵaımyz", – dedi Aıbek Smadıarov.
Onyń aıtýynsha, mınıstrlik Samarqan ishki ister organdary qyzmetkerleriniń Qazaqstan azamattaryna elektroshoker qoldanǵany týraly vıdeony zerttegen.
"Ózbekstan qoǵamy quqyq qorǵaý organdarynyń bul áreketin synap jatyr. Qalaı degenmen, biz jaǵdaıdy baqylap otyrmyz", - dep málimdedi SİM ókili.
Onyń aıtýynsha, Samarqan quqyq qorǵaý organdarynda qyzmettik tekseris bastalǵan, týrıserge elektroshoker qoldanǵan qyzmetkerler jumystan shyǵarylǵan.
21 mamyrǵa qaraǵan túni Samarqanda kúzet qyzmetiniń ókilderi kórshi elden kelgen týrıserdiń kim ekenin anyqtaý kezinde elektroshoker qoldanǵan.
Ózbekstan ishki ister mınıstrligi zań buzǵan qyzmetkerler jaýapqa tartylatynyn málimdedi.
Ózbekstan aqparat quraldarynyń jazýynsha, Qazaqstannan kelgen týrıserdiń barlyǵynda qajet qujattar bolǵan. Soǵan qaramastan polısıa olardy ustaǵan.
