Tiri bolsam, qazaqqa qyzmet etpeı qoımaımyn!

Álıhan Bókeıhan

"Qazaqstan azamattary úshin qajet jaǵdaıdyń bárine bara alady": Aqorda Ýkraınada qastandyq jasalǵan Qazaqstan azamatyna qatysty pikir bildirdi

21 maýsym 2024 296
Soǵys bop jatqan Ýkraınada, maıdan dalasynan alys astanasy Kıevte qazaqstandyq jýrnalıs Aıdos Sadyqovqa qastandyq jasaldy. Óz máshınesinde áıelimen áńgimelesip otyrǵan Aıdosqa belgisiz bir er adam pıstoletten birneshe ret oq atqan da qashyp ketken. Oqtyń biri Aıdostyń basyna tıip, jýrnalıs qazir aýrýhanada ómir úshin kúresip jatyr. Jaqsylyǵy jaqyn bolsyn!
 
Men bul oqıǵadan bir sulba kóremin - iske Ýkraına qupıa organdarynyń qatysy bolmasa mynadaı dárejedegi qastandyq oı iske asa ma?.. Qaıdam-aý...
 
El soǵys jaǵdaıynda. Ásheıinde kóshedegi beıseýbet júrgen adamdy toqtatyp, qujatyn tekserip, "soǵystan qashyp júrgen joqsyń ba" dep bir tıisip alatyn ýkraın saqshylary tumsyǵynyń astynda tapanshamen júrgenderdi qalaı "kórmeı qalǵany" túsiniksizdeý...
 
Reseımen de, AQSHpen de, Qytaımen de, BUUnyń bolashaq Bas Hatshysymen de amandyq-saýlyǵy túzý, áńgimesi dup-durys Toqaevtyń tirligi unamaıtyn shyǵar, bálkim.
Rasynda, qazir "Qazaqstanda kimniń qyzyǵýshylyǵy joq" degen suraqqa jaýap bergen ońaıyraq. Arab ta, qytaı da, ámirken de, aǵylshyn da, fransýz da, nemis te, qysqasy kim myqtynyń bári Qazaqstanǵa bir zaýyt, kenoryn nemese ınvestısıa salyp qoıǵan.
 
Prezıdentimiz de álemdi sharlap tynym tappaıdy. Taqa bolmasa elge qonaq shaqyrady, damyǵan elderdiń bıznes ókilderin, aqshaly adamdaryn ákelip qazaqtyń isker jigitterimen tanystyrady, birge jumys istep ketýine irgetas qalap beredi.
Sonyń arqasynda Qazaqstan kórshisindegi soǵysqa qaramastan mysyqtabandap bolsa da ilgerilep barady ám bolashaǵynyń da jarqyn ekenine bek senimdi!
Mine, bul basqalarǵa unamaıdy!!!
 
Prezıdent Toqaevtyń ózi de bul oqıǵa týraly pikir bildirgen bolatyn:
- Ýkraınada bir azamatymyzǵa qastandyq jasalǵanyn estidim. Bul beı-jaı qaraıtyn jeńil-jelpi is emes. Qazaqstan azamattary úshin qajet jaǵdaıdyń bárine bara alady. Biz bul isti tergeý kezinde Ýkraınanyń quzyrly organdarymen tize qosa qımyldaýǵa, qajet kómektiń bárin berýge daıynbyz" depti úlken kisi.
 
Prezıdent Toqaevtyń bul oqıǵa týraly óziniń pikirin ashyq bildirgeni ári aqparat shyqqan boıda shuǵyl túsinik bergeni oryndy-aq boldy. Qazaqstannyń álemdik arenadaǵy atyna qara kúıe jaǵýǵa tyrysqandarǵa jaqsy jaýap boldy.
 
"Qazaqstan bıligi ózine qarsy shyqqan jýrnalıserdiń ózin atyp tastaıdy eken" degen aqparat taratyp, álemniń sóz bostandyǵyn súıgish adamdarynyń Qazaqstanǵa degen sezim, senimderine selkeý túsirmek bolǵandardyń talaby tasqa soǵylǵan syńaıly!
Aqordanyń ashyq áńgime aıtqany, buqpaı, búkpeı málimdeme jasaǵany jón-aq boldy!
Almas Altaı
Bul maqala týraly ne oılaısyz?