Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstan adamzattyń ortaq jeńisine, bostandyǵyna ólsheýsiz úles qosty - TOQAEV

09 mamyr 2024 179

Prezıdent halyqty Jeńis kúnimen quttyqtady. Toqaevtyń quttyqtaýy Aqorda saıtynda jarıalandy.

“9 mamyrda beıbit ómir men tynyshtyqty qorǵaý jolynda qurban bolyp, maıdan dalasynan qaıtpaı qalǵan batyrlarymyzdyń rýhyna taǵzym etemiz. Soǵys jáne tyl ardagerlerine sheksiz rızashylyq bildirip, aıryqsha qurmet kórsetemiz.

Qazaqstan adamzattyń ortaq jeńisine, jer betinde ádildik pen bostandyqtyń saltanat qurýyna ólsheýsiz úles qosty”, – dedi prezıdent.

Onyń sózinshe, aǵa býynnyń ekinshi dúnıejúzilik soǵys kezindegi erligi men eńbegi óskeleń urpaq úshin qaısarlyqtyń, janqıarlyqtyń jáne otanshyldyqtyń ozyq úlgisi bolyp qalmaq.

“Búginde biz ultymyzdyń qaharman ul-qyzdarynyń arqasynda alańsyz eńbek etip, urpaq ósirip, jarqyn bolashaqqa qadam basyp kelemiz. Sol úshin olarǵa máńgi qaryzdarmyz. Eshkim de eshqashan umytylmaıdy! Ardagerlerimizge árdaıym bas ıemiz! Beıbitshiliktiń qadirin túsinip, ony saqtaı bileıik!  Barshańyzǵa zor densaýlyq, tolaǵaı tabys tileımin!  Jeńis kúni qutty bolsyn!”, – dedi Toqaev.

Bul maqala týraly ne oılaısyz?