Tiri bolsam, qazaqqa qyzmet etpeı qoımaımyn!

Álıhan Bókeıhan

Qatarynan 34 aıyp arqalaǵan Trampqa qatysty sot otyrysy aıaqtaldy

29 mamyr 2024 220

AQSH-tyń burynǵy prezıdenti Donald Tramptyń kúlli álemniń nazaryn ózine aýdarǵan qylmystyq sotynyń tyńdaýy aıaqtaldy, Alash.KZ ulttyq portaly VVS arnasyna siltep. 

Sot bir jarym aıǵa jýyq ýaqytqa sozyldy.

İstiń búkil jaı-japsaryn anyqtaý úshin sotqa negizgi kýágerler shaqyryldy, olardan prokýrorlar da, eks-prezıdenttiń advokattary da jaýap aldy. 

Tramptyń advokaty Todd Blansh jalpy alǵanda úsh saǵatqa jýyq, al Manhetten aýdandyq prokýratýrasynyń ókili Djoshýa Steınglass bes saǵattan astam ýaqyt sóıledi.

Olardyń mindeti - prokýrorlar Tramptyń saılaýǵa deıin bıznes jazbalaryn burmalaýdaǵy kinásin dáleldeı aldy ma degen basty suraqqa jaýap berý.

Aıypty nemese aıypty emes dep taný úshin búkil alqabılerdiń biraýyzdan sheshimi qajet.

Tramp taǵylǵan 34 aıyptyń eshqaısysy boıynsha kinásin moıyndamady, sonymen qatar Denıelspen jynystyq qatynasqa túspegenin aıtty. Blansh Tramptyń kinásiz ekenin, al prokýrorlar eshteńe dáleldeı almaıtynyn aıtty.

Prokýror Djoshýa Steınglass eks-prezıdenttiń advokattaryna bul is boıynsha Maıkl Koenniń bergen aıǵaqtarynan bólek Tramptyń kinásin rastaıtyn «kóptegen dálelder» bar dep qarsylyq bildirdi.

Steınglass sonymen qatar Stormı Denıels ótirik aıtady degen qorǵaýshy taraptyń málimdemesin joqqa shyǵardy.

Onyń aıtýynsha, burynǵy prezıdenttiń advokattary porno aktrısany «ózgertip» qoıǵan.

Aıta keteıik, AQSH-tyń burynǵy prezıdenti Donald Tramp Nú-Iorkte 2016 jylǵy saılaý aldynda pornoaktrısa Stormı Denıelske qatysty tólemaqyny saılaýshylardan jasyrý úshin qarjy esebin burmalady dep aıyptalǵan bolatyn. 

Bul maqala týraly ne oılaısyz?