Tiri bolsam, qazaqqa qyzmet etpeı qoımaımyn!

Álıhan Bókeıhan

Qansha almatylyq bankrottyqqa ilindi?

20 mamyr 2024 255

Memlekettik kirister departamentinde almatylyqtardyń qanshasy bankrot dep tanylǵany aıtyldy.

Qalada jyl basynan beri 1727 ótinish berilgen. Bul týraly Óńirlik komýnıkasıalar qyzmetiniń brıfıńinde Almaty qalasy boıynsha Memlekettik kirister departamentiniń qaryzyn óteı almaıtyn boryshkerlermen jumys basqarmasynyń basshysy Aıdos Býdýgýlov málimdedi.

Zań 2023 jyly naýryzdan bastap kúshine endi. Zańdy iske asyrýdyń maqsaty - azamattardyń boryshtyq júktemesin azaıtý. Zań kúshine engen kúnnen bastap Almaty qalasy boıynsha kelip túsken ótinishterdiń sany - 8100, onyń ishinde bıyl 1727 ótinish túsken.

  • 6 664 005 898 (6,6 mlrd) teńge somasynda bankrot dep tanylǵan 1 134 azamatqa qatysty rásimder aıaqtald (jyl basynan beri 370 bankrot 3 016 427 806 (3 mlrd.) teńge somasynda);
  • 5 980 (jyl basynan beri 1 046) ótinish boıynsha azamattar rásimdi qoldanýdan bas tartý týraly habarlama aldy;
  • 676 ótinish qabyldanyp, qarjylyq monıtorıń júrgizilý bastaldy.

Sondaı-aq, spıker tólem qabilettiligin qalpyna keltirý tártibin túsindirdi. Tólem qabilettiligin qalpyna keltirý arqyly turaqty tabys kózi bolǵan jaǵdaıda qaryzdy 5 jylǵa deıin bólip tóleý múmkindigi qarastyrylady.

Boryshkerge qoıylatyn jalǵyz shart qaryz somasy qaryz alýshynyń menshigindegi múliktiń qunynan aspaýy kerek.

Bul maqala týraly ne oılaısyz?