Tiri bolsam, qazaqqa qyzmet etpeı qoımaımyn!

Álıhan Bókeıhan

«Qalamym tartty»: Ularbek Nurǵalym nege Kemel Toqaev týraly kitap jazǵan?

18 mamyr 2024 268

Jazýshy Ularbek Nurǵalym Memleket basshysy Qasym-Jomart Toqaevtyń ákesi Kemel Toqaev týraly «Taǵdyr men maıdan» atty kitap jazǵan. Ol kisiniń ómirin aýyr taǵdyrmen baılanystyra otyryp qalam terbegen. Kitap 2018 jyly basylyp shyqqan roman.

Kitap jazý týraly oı qalaı keldi? Bul júrek qalaýy ma álde tapsyrys pa? Bul týraly ol Qasqa jol Iýtýb arnasyndaǵy suhbatynda aıtty, dep habarlaıdy Alash.KZ ulttyq portaly Qazaq Today aqparat agenttigine siltem. 

Nege Kemel Toqaev?

«Men ózimnen taldaýǵa degen qumarlyq bar ekenin baıqaımyn. Ákim Tarazıdiń shyǵarmalaryn oqyp júrdim. Aınalamdaǵylarǵa ol áńgimelerdi aıtsam, qyzyǵady. Taǵy bireýlerge taldap solardy aıtsam qyzyǵatynyn baıqadym. Bári jazsańshy dep qolqa saldy. Osylaısha Ákim Tarazıdiń shyǵarmashylyǵy boıynsha «Bolmys» degen kitap jazdym. Men ózim aıtqandaı basqa jaqta týyp-óstim. Osy jaqtaǵy aýrany sezinip, Sovet ókimeti degen qandaı ekenin boıymnan ótkizip sezingen adam emespin. Biraq, Ákim Tarazıdiń shyǵarmashylyǵynan sol qoǵamdy tutas kórdim, sezine aldym. Ádebıet – tutas dáýirdi adamǵa sezindiredi eken. Ol qandaı baılyq, qazyna jáne bilim!», – deıdi ol.

Kemel Toqaevtyń «Soldat soǵysqa ketti» degen romany, óz ómiri týraly jazylǵan. Birjaǵynan basqa keıipker. Onyń aıtýynsha, avtordyń ómiri men shyǵarmasynyń arasynda qandaı baılanys bar degen oı qyzyqtyrǵan. Qasym-Jomart Toqaevtyń «Áke týraly tolǵanys» degen kitaby bar. Sony oqyǵan kezde baılanystardy kóre bastaǵan. Osylaısha, 2018 jyly kitap jazylǵan.

«Detektıv degen ózi qyzyq. Ol kisi Sherlok Holms sıaqty qazaqtyń zerek, zerdeli keıipterin somdaǵysy kelgen eken. Bir kisini Maılybaev dep qoıady.

Ómirimen tanysqanda, maǵan ol da qatty áser etti. Nedegen aýyr taǵdyr! Nedegen jiger, qandaı bolmys! Qıyndyǵyn aıtyp aıanysh týdyrýǵa tyryspaǵan. Osynyń bárine qalamym tartty.

İshki dúnıeń tartpasa, tapsyrysqa jazý qıyn nárse. Uzaq tolǵanyp jazdym dep aıtpaımyn. Biraq sol roman maǵan qatty áser etti», – dedi jazýshy.

Bul maqala týraly ne oılaısyz?