Eks-prezıdent Nursultan Nazarbaevtyń nemere inisi Qaırat Satybaldy 2022 jyldyń jazynyń sońynda bostandyqqa shyǵýdy kózdep otyr.
QazTAG-tyń derekkóziniń habarlaýynsha, Qaırat Satybaldynyń ustanymy – memleket ózine talap etip otyrǵan dúnıe-múlikti túgeldeı tapsyryp, qajetti somany tóleý. Bul somalar memleketpen kelisilgen bolsa, onda ol barlyq aqshany, aıyppuldy túgel tólep, shilde-qyrkúıek aılarynda bostandyqqa shyǵýdy kózdep otyr.
Eske salsaq, Satybaldy baqylaýyndaǵy Alatau Capital Investments jáne Skyline Investment Company S.A kompanıalaryna tıesili «Qazaqtelekom» AQ aksıalarynyń 30 paıyzǵa jýyǵyn memleketke ótkizgen.
13 naýryzda Qazaqstannyń eks-prezıdenti Nursultan Nazarbaevtyń nemere inisi Qaırat Satybaldynyń qyzmettik ókilettigin asyra paıdalaný jáne «Qazaqtelekom» AQ qarjysyn jymqyrý faktileri boıynsha Almatyda ustalyp, ýaqytsha ustaý ızolátoryna qamaýǵa alynǵany belgili boldy. Onyń memleket qaýipsizdigine nuqsan keltiretin basqa da qylmystarǵa qatystylyǵy da qazir tekserilip jatyr.
14 naýryzda «Qazaqtelekom» keńselerinde tintýler júrgizilgeni belgili boldy.
15 naýryz belgili qazaqstandyq prodúser Baıan Maqsatqyzy Qaırat Satybaldynyń burynǵy áıeli Gúlmıra Satybaldynyń reıderlik áreketke qatysy bar degen suraqqa jaýap berýge ýáde berdi. 17 naýryzda antıkor Gúlmıra Satybaldanyń burynǵy kúıeýiniń isi boıynsha ustalǵany týraly habarlady. 19 naýryzda ol eki aı merzimge qamaýǵa alyndy. Ol Shymkentte búdjettiń 747 mln teńgesin urlady degen kúdikke ilindi.
23 naýryz İle-Alataý memlekettik ulttyq tabıǵı parkiniń kúzet aımaǵyna jaqyn taýlardan Satybaldyǵa tıesili bolýy múmkin zańsyz salynǵan vılla tabylǵany habarlanǵan.
4 sáýir Sybaılas jemqorlyqqa qarsy qyzmet Satybaldanyń baqylaýyndaǵy kompanıa basshylarynyń ustalǵanyn habarlady.
12 sáýir Satybaldanyń fırmalaryna tıesili «Qazaqtelekom» aksıalarynyń 30 paıyzǵa jýyǵy memleket menshigine qaıtarylǵany belgili boldy.
Derekkóz
