Qazaqstan Prezıdenti Almatyda ǵalymdarmen ótken kezdesýde ıadrolyq energetıkany qurýǵa qatysty sońǵy sheshimdi halyq jalpyulttyq referendým arqyly qabyldaıtynyn aıtty, dep habarlaıdy Alash.kz saıty.
"2030 jylǵa qaraı energıa qýatynyń tapshylyǵy alty gıgavatqa jetedi. Bul ekonomıkamyzdyń damý qarqynyn edáýir báseńdetip, turǵyn úı-kommýnaldyq salasyn daǵdarysqa ákep soqtyrady. Ol halqymyzdyń turmysyna keri áser etedi. Problemany sheshýdiń bir joly atom energetıkasy bolýy múmkin. Energetıkalyq sektor ókilderi osy amaldy bir aýyzdan qoldaıdy" - dep jazady Ulysmedia.kz.
Qazaqstan – tabıǵı ýran óndirý kólemi boıynsha álemde birinshi orynda. Biz ıadrolyq otynnyń komponentterin óz elimizde óndiremiz. Bul – básekelestiktegi bizdiń basty artyqshylyǵymyz. Ony paıdalana bilýimiz qajet. Atalǵan máseleni qoǵamda jáne kásibı ortada keń aýqymda ári jan-jaqty talqylaý kerek. Biraq popýlızm men daý-damaıǵa jol berýge bolmaıdy. Ǵylymı qoǵamdastyq buǵan qomaqty úles qosyp, obektıvti jáne pragmatıkalyq qaǵıdattarǵa negizdelgen salmaqty pikir aıtady dep oılaımyn. Iadrolyq energetıkany qurýǵa qatysty sońǵy sheshimdi halyq jalpyulttyq referendým arqyly qabyldaıdy, - dedi Qasym-Jomart Toqaev.
Eske salsaq, buǵan deıin Qazaqstanda atom elektr stansıasyn salýǵa úmitti eldiń qataryna AQSH pen Japonıa da qosylǵanyn habarlaǵan bolatynbyz.
