Tiri bolsam, qazaqqa qyzmet etpeı qoımaımyn!

Álıhan Bókeıhan

Peterbýrgtegi apatta qazaqstandyq qaıtys boldy. Depýtattary "ortaazıalyqty" aıyptap jatyr

11 mamyr 2024 686

Reseı, Sankt-Peterbýrg qalasynda kópirden qulap, sýǵa batqan avtobýstyń ishinde Qazaqstan azamaty bolǵany habarlandy, dep jazady Alash.KZ ulttyq portaly. 

Aqparat kózderiniń jazýynsha, ózenge batqan avtobýstyń ishinde Kókshetaý qalasynyń týmasy, 28 jastaǵy Marına Iý. bolǵan. Qazaqstandyq áıel áleýmettik jelide blog júrgizip, tabıǵı kosmetıka ónimderin satýmen aınalysqan. Vasılev aralyndaǵy Kosoı jerinde turǵan. 

Reseı dýmasynyń depýtattary avtobýs júrgizýshisiniń Orta Azıa elderiniń birinen kelgenin,alaıda Reseı azamattyǵyn alǵanyn aıtty.

"Men qazir vıdeony kórdim. Júrgizýshide (avtobýs) júrek talmasy bolýy múmkin, tergeý anyqtalsyn. Biraq men budan ári eshteńe aıtpaımyn dep oılaımyn. Tártip ornatý kerek", - dedi Mıronov Memlekettik Dýmada sóılegen sózinde.

Depýtat eger reseılikter halqyna "jetkilikti aqsha tólese", mıgranttarsyz-aq jetistikke jetetinin qosa aıtty.

Eske sala keteıik,  10 mamyr kúni Sankt-Petetrbýrgte avtobýs kópirden qulap,saldarynan jeti adam kóz jumdy. Júrgizýshi rólge ıe bola almaı, avtobýs qala ortalyǵyndaǵy ózenge qulaǵan. Tergeý komıteti júrgizýshi avtobýstan alǵashqylardyń biri bolyp shyqqanyn habarlady. Ol keıinnen ustaldy. 

Bul maqala týraly ne oılaısyz?