Tiri bolsam, qazaqqa qyzmet etpeı qoımaımyn!

Álıhan Bókeıhan

«Pák qyzdar» tizimi: Tamara Dúısenova kimder jazalanatynyn aıtty

26 naýryz 2024 350

«Pák qyzdardyń» tizimi jarıalaǵany úshin tek medbıkeler ǵana emes, emhana basshylary men QazUÝ de jaýapqa tartylady. Bul týraly búgin Premer-mınıstrdiń orynbasary Tamara Dúısenova málimdedi.

Onyń sózinshe, iske qatysty barlyq materıaldar İshki ister mınıstrligine berildi. Qylmystyq tergeý áli aıaqtalǵan joq.

«Tergeý aıaqtalǵannan keıin atalǵan iske qatysy bardyń bárine tıisti shara qoldanylady. Bul emhanaǵa da, bilim berý uıymyna da qatysty. Aqparattyq qaýipsizdik máseleleri bar. Qupıalylyqqa qatysty sharalardy qabyldaý qajet. Tergeýden keıin uıymdastyrýshylyq jáne qylmystyq sharalar qabyldanady. Bul aqparatty tek İshki ister mınıstrligi ǵana beredi. Bul atalǵan iske qatysy barlardyń bárine qatysty», – delingen habarlamada.

Dúısenovaǵa «QazUÝ rektory Janseıit Túımebaev qyzmetinen bosatyla ma?» degen suraq qoıyldy. Ol qateliktiń kimnen ketkenin tergeý qorytyndysy shyqqan soń ǵana belgili bolatynyn jáne tergeý nátıjesinen keıin ǵana sheshim qabyldanatynyn aıtty.

Eske salsaq ketsek, buǵan deıin Ǵylym jáne joǵary bilim mınıstri Saıasat Nurbek te «páki qyzdardyń tizimine» qatysty pikir bildirgen edi.

Bul maqala týraly ne oılaısyz?