Tiri bolsam, qazaqqa qyzmet etpeı qoımaımyn!

Álıhan Bókeıhan

"Ózi biledi". Alasapyran kezde asta-tók toı jasaǵan burynǵy depýtatty qazirgi depýtattar qoldady

29 mamyr 2024 351

Ulttyq aqparat keńistiginde kezindegi depýtat Maqsat Ramanqulovtyń 50 jas mereıtoıyn dúrkiretip, asta-tók toılaǵany qyzý talqylanyp jatyr. Eks-atqaminerdi quttyqtap barǵandardyń arasynda qazirgi Májilis depýtattary da bar.Jelide taraǵan vıdeo-derekke sensek, taraǵan, toıda lotereıa oınatylyp, qonaqtarǵa avtokólik, páter, Dýbaı men Italıaǵa joldama, IPhone markaly smartfondar, ıissý, Astanadan páter syılanǵan, dep habarlaıdy Alash.KZ ulttyq portaly halyquni.media paraqshasyna silteme kórsetip. 

"Halyq úni" portalynyń habarlaýynsha, toıda shamamen 300-ge jýyq meıman bolǵan. Odan bólek otandyq ánshiler – MýzART, Raim, Erke Esmahan, Qaırat Nurtas óner kórsetken. Sondaı-aq Ózbekstan ánshileri, reseılik «Mıraj» toby, nemisterdiń «Bad Boys Blue» toby toıdyń arnaıy qonaǵy bolǵan.

Qazaqstannyń bir shetin sý basyp, halyq panasyz qalǵanda osylaı asta-tók toı jasaý durys pa? Bul týraly Májilistiń birqatar depýtaty pikirin bildirdi.

Esterińizde bolsa, toı ıesiniń ózi mereıtoıdaǵy baǵaly syılyqtar boıynsha bylaı degen edi: 

«Toıda quny 7,5 mıllıon teńge bolatyn qytaılyq elektro mashına jáne Astana qalasynda ornalasqan, quny 12 mıllıon teńge bolatyn bir bólmeli páter oınatyldy. Men ózim qurylysshymyn, qurylys kompanıasynyń ıesimin, biz Astanada jáne Qazaqstan boıynsha turǵyn-úı keshenderin salamyz. Mereıtoıymda qonaqtaryma osyndaı syılyq jasaýdy sheshtim. Sonymen qatar ádettegi syılyqtar, oramaldar, birneshe telefondar boldy.

Mereıtoıǵa 300 qonaq keldi, onyń 50-60-y balalar boldy. Bir adam basyna 45 myń teńgeden, ıaǵnı 250 adamǵa 10 mıllıonnan sál asatyn soma shyqty. Mereıtoıdyń ózi Almatynyń taý bókterinde ótkizildi. Bul ádettegideı ótetin toı, eshqandaı erekshelik joq dep oılaımyn. Mereıtoıda meniń týystarym, dostarym ǵana boldy. Bas-aıaǵy 300 adamǵa 20-30 mıllıon aralyǵynda qarajat ketti. Almatyda apta saıyn osyndaı toılar ótip turady, eshqandaı erekshelik joq», - dedi Maqsat Ramanqulov.

Sonymen qatar, Ramanqulov óziniń mesenat ekenin jáne ulttyq sport túrlerin qoldaıtynyn tilge tıek etti. Kásipker sý tasqyny kezinde 50 otbasyna 5 mıllıon teńgege jýyq qarjyǵa gýmanıtarlyq kómek jınaǵanyn qosa aıtty.

 

Bul maqala týraly ne oılaısyz?