Tiri bolsam, qazaqqa qyzmet etpeı qoımaımyn!

Álıhan Bókeıhan

"Otyn údetken emes": Qytaı Zelenskııdiń aıyptaýlaryna jaýap berdi

04 maýsym 2024 497

Beıjiń Ýkraına prezıdenti Vladımır Zelenskııdiń Reseı men Qytaı Shveısarıada ótetin Ýkraına boıynsha jahandyq beıbitshilik samıtiniń ótýine kedergi jasaýǵa tyrysady degen aıyptaýlaryna jaýap berdi, - dep habarlaıdy Alash.kz saıty "Evropeıskýıý pravda" málimetine silteme jasap.

Qytaı Syrtqy ister mınıstrliginiń baspasóz hatshysy Mao Nınniń aıtýynsha, Beıjiń eshqashan Reseı-Ýkraına soǵysy "jalynyn tutandyrǵan nemese otyn údetken emes".
 
Mao Nınniń aıtýynsha, Qytaı Reseı-Ýkraına soǵysyndaǵy beıbit sharalardy qoldaýǵa baǵyttalǵan barlyq kúsh-jigerdi moıyndaý kerek dep sanaıdy.

Qytaı SİM ókili Beıjińniń Kıevpen qarym-qatynasqa úlken mán beretinin atap ótip, bul rette Qytaıdy Ýkraınanyń eń iri saýda seriktesi dep atady. Mao Nın Qytaıdyń beıbit konferensıaǵa qatysty ustanymy óte "ashyq jáne móldir" ekenin jáne Qytaıdyń "daǵdarysty beıbit jolmen sheshýge baǵyttalǵan barlyq áreketterdi qoldaıtynyn" qosty.

Syrtqy ister mınıstrligi spıkeri onyń eli samıtke qatyspaıtynyn, sebebi onda Reseıdiń bolmaıtynyn túsindirdi. Vengrıa syrtqy ister mınıstri Peter Sıııarto da 3 maýsymda osyǵan uqsas málimdeme jasady. Ol Býdapeshttiń Máskeýdi qamtymaıtyn samıtke qatyspaıtynyn aıtty.

Bul maqala týraly ne oılaısyz?