Tiri bolsam, qazaqqa qyzmet etpeı qoımaımyn!

Álıhan Bókeıhan

Otanyna opasyzdyq jasaǵan qytaıtanýshy túrmeden qalaı erte bosatyldy?

05 sáýir 2024 351

Birneshe jyl buryn Otanyna opasyzdyq jasady degen aıyppen 10 jylǵa sottalǵan belgili qytaıtanýshy Konstantın Syroejkın bostandyqqa shyqty.

Syroejkınniń bostandyqqa shyqqanyn saıasattanýshy Marat Shıbutov jarıalady.

"Konstantın Lvovıch Syroejkın bostandyqqa shyqty. 5 jyl jazasyn ótedi", - dep jazdy ol.

Syroejkınniń sottalǵany týraly aqparat 2019 jyly aldymen áleýmettik jelide jarıalanyp, artynsha bul aqpartty Almaty qalalyq soty rastaǵan bolatyn.

"Aqpanda qytaıtanýshy, Qytaıdy jete biletin maman Konstantın Syroejkın qamaýǵa alynǵan edi. Oǵan "Otanyna opasyzdyq jasady" degen aıyp taǵyldy. Sot prosesi jabyq ótti. Syroejkındi 10 jylǵa bas bostandyǵynan aıyrý, jazasyn arnaıy qatań rejımdegi abaqtyda ótkizý, odan soń azamattyǵynan aıyrý jazasy kesilgeni belgili boldy", - dep jazdy sol kezde qoǵam belsendisi Ǵalym Aqeleýov.

Onyń aıtýynsha, Syroejkın kinásin moıyndamaǵan jáne apelásıalyq shaǵym berýden bas tartqan. Saıasattanýshy Andreı Chebotarev te qytaıtanýshynyń qamalǵanyna ókinish bildirdi.

Keıinirek bul jaıtqa qatysty Ulttyq qaýipsizdik komıteti de málimdeme jasady.

"2019 jyly 7 qazanda Almaty qalasynyń qylmystyq ister jónindegi mamandandyrylǵan aýdanaralyq soty 1956 jyly týylǵan QR azamaty Konstantın Lvovıch Syroejkındi QR Qylmystyq kodeksiniń 175-baby 1-bóligi, ıaǵnı "Otanǵa opasyzdyq jasaý" boıynsha kináli dep taýyp, ony 10 jylǵa bas bostandyǵynan aıyrdy", - dedi QR UQK baspasóz qyzmeti ókilderi.

Sot úkimi shyqqan kezde Syroejkın bostandyqqa shyqqannan keıin Qazaqstannan qýylyp, bes jylǵa deıin elge oralýyna tyıym salynatyny týraly da aqparat taraǵan.

Bul maqala týraly ne oılaısyz?