Tiri bolsam, qazaqqa qyzmet etpeı qoımaımyn!

Álıhan Bókeıhan

"Orta júz". Belgıadan ata-anasyn izdep kelgen Jánibektiń rýy anyqtaldy

20 maýsym 2024 297

Belgıadan Qazaqstanǵa ata-anasyn izdep kelgen Jánibektiń rýy anyqtaldy. Bul jaıly Alash.KZ ulttyq portaly "Inbusiness.kz"-ke silteı otyryp habarlaıdy.

Birneshe ýaqyt buryn TreeGene zerthanasynyń mamany Uldana Kókkózova Belgıadan Qazaqstanǵa ata-anasyn izdep kelgen Jánibekke qatysty taǵy bir derek bólisti. Maman "Ata-tegin anyqtaý" synamasyna júgine otyryp Jánibektiń qaı rýdan ekenin habarlady.

Shetelden kelgen qazaq balasynyń rýy naıman ekeni anyqtalǵan.

"Bul synamanyń aty "Ata-tegin anyqtaý"  dep atalady. Qazirgi kezde suranysqa ıe bolyp júrgen synamalardyń biri. Sebebi biz genetıkalyq profıl arqyly adamnyń gaplotobyn anyqtaımyz. Gaplotobynyń popýlásıasy arqyly rýyn anyqtap beremiz. Ásirese rýyn bilgisi keletin, anyqtaǵysy keletinder, ásirese qandaı topqa jatatynyn, ata-teginiń ereksheligin bilgisi kelse osy testke júginedi. Bul synama 14 kúnde jasalady. Tipti kitap qylyp shyǵaryp beremiz. Máselen, Belgıadan kelip, ata-anasyn izdegen Jánibektiń rýyn anyqtaý úshin biz onyń gaplotoby qansha elde kezdesedi dep tekserdik. Y hromosoma tek qana erlerde ǵana kezdesedi. Áıelderdiki H hromosoma ekeni belgili. Iaǵnı, ákeniń Y hromosomasy uldaryna ózgerissiz beriledi. Atasy, balasy, týǵan baýyrlary  jáne nemere uldaryna beriletin arnaıy áripter men sandar bar. Biz Jánibektiń tobynyń sany R1b-M478 ekenin anyqtadyq. Iaǵnı 27 str markeri arqyly anyqtadyq. Gaplotıp arqyly gaplotop anyqtalady. Sol arqyly onyń popýlásıasyna baılanysty rýy belgili bolady. Jánibektiń gaplotobynda eki rýdyń belgisi shyqty. Bireýi - naıman, ekinshisi - qypshaq. Zertteı kele naımanǵa 2 mýtasıadan aıyrmashylyq kórindi. Al qypshaq deıin desek 7 mýtasıadan aıyrmashylyq baıqaldy. Y hromosomasy naımandarǵa sáıkes kelgen soń biz ony orta júz, naıman rýy, baǵanaly teginen dep kitapqa jazyp berdik. Arǵyndardiki G toby bolyp atalady, basqa rýlarda S degen top bar", - deıdi ol.

Bul maqala týraly ne oılaısyz?