Tiri bolsam, qazaqqa qyzmet etpeı qoımaımyn!

Álıhan Bókeıhan

Orda buzdy. Dımash otyzǵa toldy

24 mamyr 2024 330

30 jyl buryn (1994 jyl) álemdik deńgeıdegi tanymal ánshi, kompozıtor, mýltıınstrýmentalıst Dımash (Dinmuhammed) Qanatuly Qudaıbergen dúnıege keldi.

Aqtóbe qalasynda týǵan. Dımashtyń ata-anasy – tanymal ánshiler Qanat jáne Sveta Aıtbaevtar. Ol alǵash ret spektáklde oınap, kópshilikke tanyla bastady. Bes jasynda tuńǵysh ret mýzykalyq kolej sahnasynda án salǵan. Alty jasynda "Aınalaıyn" respýblıkalyq baıqaýynyń "Fortepıano" nomınasıasynda jeńimpaz atandy. 2010 jyly "Baıqonyrdyń Ásem daýystary" Halyqaralyq festıvaliniń İ júlde laýreaty atandy. 2012 jyly "Jas qanat" Respýblıkalyq jas án oryndaýshylar baıqaýynyń Gran-prı júldesine ıe bolyp, osy jyly "Vostochnyı bazar" Halyqaralyq baıqaýynda İ júlde laýreaty atandy.

2013 jyly Dımash Qudaıbergen "Meıkın Azıa" İ Halyqaralyq festıvaliniń jeńimpazy boldy. Sonymen qatar Vıtebsk qalasynda ótken XXIV Halyqaralyq estradalyq án oryndaýshylar "Slaván bazary-2015" baıqaýynda Gran-prı jeńip alǵan. 2015 jyly 28 qazan kúni Ystanbulda Dımash Qudaıbergen "Abu TV" Halyqaralyq Azıa-Tynyq muhıt festıvalinda Qazaqstan Respýblıkasynyń atynan alǵash ret qatysty.

Ol 2014 jyly Dımash Ahmet Jubanov atyndaǵy mýzykalyq kolejde akademıalyq án oryndaý synybyn támamdap, Qazaq Ulttyq óner ýnıversıtetiniń "estrada óneri" fakúltetine tústi. Dımash qazaq, aǵylshyn, orys, qytaı, serb, ıtalán, fransýz, taǵy basqa tilderde án oryndaıdy. Dımash Qudaıbergenov Qytaıdyń I am a singer (Men ánshimin) telebaıqaýyna qatysyp, saıystyń barlyq kezeńinen ótip ekinshi oryndy jeńip aldy. Atalǵan jobany Qytaıdyń eń iri Hunan TV telearnasy kórsetedi.

2017 jyly Azıanyń "Gremmıi" sanalatyn "Top Chinese Music Award" syılyǵyn "Azıanyń eń tanymal ánshisi" atalymynda jeńiske jetti.Kóptegen halyqaralyq júldelerdiń ıegeri.

Bul maqala týraly ne oılaısyz?